कोरोनाका कारण विदेशमा ६ लाख नेपालीले रोजगार गुमाएको एनआरएनएको भनाइ
फोनिज कोरिया संवाददाता
विश्वभरी छरिएर रहेका नेपालीहरु मध्ये करिब ६ लाख नेपालीले कोरोना महामारीको प्रभावबाट रोजगार गुमाएको एनआरएनएले जनाएको छ । एनआरएनए कोरियाले गत आइतबार सउलमा आयोजना गरेको पहिलो वार्षिक साधरणसभामा जुम मार्फत मन्तव्य राख्दै केन्द्रीय उपाध्यक्ष डा. बद्री केसीले सो जानकारी दिएका हुन् ।
यसरी रोजगार विहिन भएका नेपालीहरु हालसम्म करिब १ लाख ३५ हजार नेपाल पर्केको र ५देखि ६ लाख नेपालीहरु फर्कन लागेको तथ्यकं उपाध्यक्ष केसीले उल्लेख गरे । विदेशबाट नेपाल फर्केकाहरुको श्रम र शिपलाई व्यवस्थीत गरी पुनस्थापना गर्न एनआरएनएले आगामी ६ महिना भित्र नेपालमा रोजगार भेलाको आयोजना गरिने जानकारी पनि दिए ।
कोरोना महामारीका कारण विदेशमा अलपत्र परेकाहरुलाई सहयोग गर्न बैदेशिक रोजगार कल्याणकारी कोषबाट ७२ करोड रकम छुटटइएको जानकारी दिदै सो रकम दूताबामस मार्फत प्रयोग गर्न सकिने निर्देशिमा तारी भइरहेको स्पष्ट पारे । विश्वभरीका समस्यामा परेका नेपालीहरुलाई सहयोग गर्न एनआरएनएका २५ सय स्वयमसेवी खटिनुका साथै करिब २५ करोड रकम र २ लाख भन्दा बढीले प्रत्यक्ष सहयोग पाएको उनले जानकारी दिए ।
त्यस्तै केन्द्रिय कोषाध्यक्ष महेश श्रेष्ठले एनआरएनएलाई आर्थिक अनुसाशन र पारदर्शिता बनाउने नीतिमा सुधार गर्दै अन्तराष्ट्रिय कानुनसंग मेल खानेगरी अडिट कमिटीहरु बनाएर प्रत्येक तीन महिनामा प्रतिवेदन प्रस्तुत गर्ने बनाउन लागेको जानकारी दिए । विदेशका शिप, पुंजी र प्रविधिलाई नेपाल भित्राउन दक्षिण कोरियाको मुख्य भुमिका रहेको भनाई राखे ।
साधरणसभामा कोरियाका लागि कार्यबाहक राजदूत राम सिंह थापाले नेपालीहरुकै लापरवाहीका कारण नेपाललाई कोरोना प्रभावको उच्च जोखिममा राखेकोले नेपालबाट आउने नयाँ इ नाइन भिषा र कमिटमेन्ट कामदारलाई गरिएको अवरोधलाई हटाउन दूताबासले पहल गरिरहेको जानकारी गराए ।
त्यस्तै साधरणसभामा कोरियन सत्ताधर पार्टीका बहुसांस्कृतीक विभागप्रमुख संसद गो योइ०जिनले कोरियाको आर्थिक विकासमा नेपालीहरुले पुराएको योगदानको कदर तथा घाइते र मृत्यु भएकाहरुमा दुःख व्यक्त गर्दै अन्यय र विभेदविरुद्ध संगै अघि बढ्ने प्रतिबद्धता जनाए ।
