एनसीसीको नयाँ पदाधिकारिले लिए सपथ
कृष्ण खड्का
सोल- दक्षिण कोरियामा सन् १९९३ मा स्थापना गरिएको नेपालीहरुको एक मात्र साझा संस्था नेपाली सम्पर्क समिति (एनसीसी) को १५ औं अधिबेशनबाट निर्वाचित तथा मनोनित पदाधिकारीहरूले सपथ ग्रहण गरेका छन् |
आइतबार सोल दोङ्देमुन स्थिीत नेपाल हाउसमा आयोजना गरिएको बिशेष कार्यक्रममा नवनिर्वाचित कमिटीलाई पद तथा गोपनियताको सपथ ग्रहण गराइएको हो |
सपथ ग्रहण कार्यक्रममा निर्वाचन मण्डलका सम्पुर्ण सदस्य तथा निवर्तमान अध्यक्षको उपस्थिती रहेको थियो भने कार्यक्रम संचालन निर्वाचन मण्डलका संयोजक गंगा राइले गरेका थिए |
नबनिर्बाचित पदाधिकारीहरुलाई उपस्थिति सवैले बधाई तथा कार्यसफलताको शुभकामना दिएका थिए | उक्त अवसरमा एनसिसि तथा एनअरएनको संयुत्त पहलमा त्यहाँ उपस्थित सवैबाट रकम संकलन गरि विश्व साईकल यात्रामा निस्किएका दिपक क्षेत्रीलाई नगद पाँच लाख हस्तान्तरण गरिएको थियो ।
