दक्षिण कोरियामा सोनाम ल्होछार (फोटो फिचर)

तामाङ संघ दक्षिण कोरियाले २८५६ औं सोनाम ल्होछर जीवा ल्हो(मुसा बर्ष) भव्यताका सथ मनाएको छ । शुक्रबार(जनवरी २४) कोरियाको राजधानी सउलको मियसागरी स्थित भिक्टोरिया होटलमा आयोजित उक्त कार्यक्रम नेपालबाट आमन्त्रित तथा कोरियामै रहेका कलाकारहरुको बेजोड प्रस्तुतिका साथ सम्पन्न भएको हो ।

तामाङ समुदायले मन्जुश्री पात्रो अनुसार पुरानो बर्षको अन्त्य र नयाँ बर्षको सुरुवातको दिनलाई सोनाम ल्होछार(नयाँ बर्ष) को रुपमा मनाउँदै आएका छन् । जुन नेपाली पात्रो अनुसार प्राय माग शुक्ल प्रतिपदाका दिन पर्ने गर्दछ । त्यस्तैमा यस बर्षको २८५६ औं सोनाम ल्होछार अर्थात जिवा ल्हो(मुसा बर्ष) सुरुवातको दिन पुस ११(जनवरी २६) गते परेको छ । तर दक्षिण कोरियामा रहेका तामाङहरुले भने कोरियन चाड छुसकको पहिलो दिन सोनाम ल्होछर मनाउदै आएका छन् ।

ल्होछार कार्यक्रम लामा गुरुहरुको सामुहिक पुजापाठ बाट सुरु भएको थियो । नेपाल तामाङ संघ दक्षिण कोरियाको अध्यक्ष मेघप्रसाद वाइबा तामाङको अध्यक्षतामा भएको औपचारिक कार्यक्रममा आदिवासी जनजाती महासंघ दक्षिण कोरियाको अध्यक्ष युगेल तेण्डुप शेर्पाको प्रमुख आतिथ्यता रहेका थिए ।

त्यसैगरी कार्यक्रममा एनआरएनए दक्षिण कोरियाका वरिष्ठ उपाध्यक्ष दिपक पुन, आदिवासी जनजाती महासंघ कोरियाका निवर्तमान अध्यक्ष चित्रबहादुर मोक्तान, एनआरएए कोरियाका उपाध्यक्ष सोम वाइबा तामाङ, सचिब राजकुमार स्याङतान, एनसिसी दक्षिण कोरियाका अध्यक्ष श्रीप्रसाद श्रेष्ठ, प्रदेश नं ३ एकता समाजका अध्यक्ष किशोर ब्लोन नियोग सँगै विभिन्न जातीय संस्था र क्षेत्रीय संस्था प्रमुखहरुको आतिथ्यता रहेको थियो ।

अनौपचारिक सांस्कृतिक कार्यकममा नेपालबाट आमन्त्रित म्हेन्दो माया गायक रोशन फ्युबा, लण्डनबाट आमन्त्रित गायिका देशकुमारी तामाङ, भारतबाट आमन्त्रित द भ्वाइस अफ नेपाल सिजन-२ का प्रतिस्पर्धी बैशाली लामाको बेजोड प्रस्तुति रहेका थिए । त्यसैगरी कोरियामै आफ्नो कर्मभूमी बनाएका युनिक दोङ, ज्ञान लामा, सूर्य रूम्बा, मिलन दोङ, छेडुप लामाले सांगीतिक प्रस्तुति दिएका थिए भने डोमा योञ्जन र मनिराज घलानले नृत्य प्रस्तुति दिएका थिए ।

हेरौं तस्बिरमा ल्होछार कार्यक्रम 

ल्होछारमा सहभागीहरु

फोटो सेसन गर्दै सहभागीहरु

कार्यक्रममा सहभागीहरु

आफ्नो प्रस्तुति दिदै म्हेन्दो माया गायक रोशन फ्युबा

नाच्दै सहभागीहरु

आफ्नो प्रस्तुति दिदै बैसाली लामा

प्रस्तुति दिदै देश कुमरी गोले

तामाङ संघ दक्षिण कोरियाका अध्यक्ष मेघप्रसाद वाईबा र आदिवासी जनजाती महासंघ दक्षिण कोरियाका अध्यक्ष तथा प्रमुख अतिथि युगेल तेन्डुप शेर्पा

औपचारिक कार्यक्रम संचालन गर्दै तामाङ संघ दक्षिण कोरियाका महासचिव गोकुल थोकर

तामाङ पहिरनमा सहभागी

ल्होछारमा सहभागीहरु