दक्षिण कोरिया छुट्टा छुट्टै घटनामा दुई नेपालीले ज्यान गुमाए
रोजगार अनुमति प्रणली इपिएस मार्फत दक्षिण कोरिया आएका एक नेपालीले आत्महत्या गरेका छन् । २१ महिना अघि कोरिया आएका पाँचथर लालीखर्कका विवेक राईले शनिबार राति आत्महत्या गरेका हुन् ।
कोरियाको दक्षिणी भाग छाङ उमसीमा बंगुरको फार्ममा काम गर्दै आएका राई केही महिना अघि मात्रै नेपाल गएर आएको पाँचथर सेवा समाज दक्षिण कोरियाका अध्यक्ष राज चाम्लिङले जानकारी दिए । कम्पनीमा पनि एक जना नेपाली हुनुहुँदो रहेछ । हिजो बेलुकीको खाना खाएर एउटै कोठामा सुतेको मान्छे बिहान नदेखेको खोजी गर्दा कम्पनी भित्रै झुन्डिएर आत्महत्या गरेको भेटेछन् । उनले भने ।
आत्महत्याको कारण थाहा नभएको नेपाली राजदुताबास सउललाई जनाएको छ । इपिएस शुरु भए देखि अहिलेसम्म ४९ जना नेपालीले आत्महत्या गरेका छन् । सन् २०१८ मा ६ जना गत बर्ष ३ जनाले मात्रै आत्महत्या गरेका थिए । यो संख्या अघिल्ला बर्षको तुलनामा उल्लेखनीय रुपमा घटेको हो ।
त्यस्तै आइतबार अर्का नेपालीको मृत्यू औद्योगीक दुर्घटनामा ज्यान गुमाएका छन् । छुङछनबुक्दो छेन्छुको कम्पनीमा कार्यरत नरवहादुर रानाको चिकेच्छा(फोरक्लिप) बनाउने क्रममा दुर्घटनामा परि मृत्यू भएको हो ।
तनहुँ घर भएका उनी ४ बर्ष ४ महिना पहिले दक्षिण कोरिया आएका थिए । उनको कम्पनीमा ७ जना नेपाली काम गरिरहेका छन् । आइतबार काम गर्दै गर्दा दुर्घटना भएको हो । चिकेच्छा बनाउनु खोज्नु भएको रहेछ । के नमिलेर त्यसैले किचेको अबस्थामा हामीले फेला पार्यौं । सँगै कम्पनीमा काम गर्ने एक नेपालीले भने ।
नेपाली राजदुतावास दक्षिण कोरियाका श्रम सहचारी डिल्लिराम बास्तोलाले दुर्घटनाको बारेमा जानकारी आए पनि बिस्तृत रुपमा बुझ्न बाँकी रहेको बताए । हामीलाई इन्फर्म गरिएको छ । घटनास्थलमा हामी आफै जान्छौ । अनि धेरै कुरा हुन्छ । उनले भने ।
