मगर संघ कोरियाले जनवरी १२ तारिखमा माघे संक्रान्ति मनाउने
सउल । नेपाल मगर संघ दक्षिण कोरियाले हरेक बर्ष मनाउदै आइरहेको मगरहरुको महत्वपुर्ण पर्ब माघे संक्रान्ति २०२० जनवरी १२ तारिख आइतबार सौलमा भब्यताका मनाउने भएको छ। हिजो सौलमा बसेको संघको बैठकले सो निर्णय गरेको हो।
नेपाल बाट एक जना कलाकार आमन्त्रण गरी कोरियामा भएका कलाकार संगै भब्य सांस्कृतिक कार्यक्रम सहित माघे संक्रान्ति मनाउन लागिएको महासचिब केशर राना मगरले जानकारी दिएका छन्। आमन्त्रित कलाकार र कार्यक्रम स्थलको छिट्टै टुंगो लगाउने संघका सांस्कृतिक बिभाग प्रमुख एस.बी.राना मगरले जानकारी दिएका छन्।
अघिल्लो बर्षहरुमा मगर संघ थेगु शाखा,किम्हे/बुसान शाखाले आयोजना गरिएको कार्यक्रम यस पाली केन्द्र सौलमै गर्न लागिएको कुरा संघका अध्यक्ष सिपि मगरले बताए। र उक्त दिन कुनै पनि संघ संस्थाले कार्यक्रम नजुधाइ साथ दिनका लागि अध्यक्ष मगरले हार्दिक अनुरोध गरेका छन्।
