चुम्लुङ बुसान शाखा र डि.एस.एम.इ. याक्थुङ सयङ् गजेदोले चासोक तङ्नाम मनाउने
किरात याक्थुङ चुम्लुङ बुसान साखा र डि.एस.एम.इ. याक्थुङ सयङ गजेदो दक्षिण कोरियाले सङ्युक्त रुपमा चासोक तङनाम मनाउने भएको छ। लिम्बू जातिको महान पर्व चासोक तङनाममा सुभकामना आदान प्रदान तथा भेट्घाट कार्यक्रम सहित भब्य रुपमा मनाउन लागिएको छ।
कार्यक्रम कोरियाको किम्हे स्थित मुन्ह्वावन सभाहलमा डिसेम्बर २२ तारिख आइतबार बिहान १० बजे देखि साझ ७ बजे सम्म हुने भएको छ । चासोक तङ्नाम(उधौलि)डिसेम्बर १२ तारिख मङ्सिर २६गते पर्ने भए पनि प्रबासको बसाइलाइ
मध्य नजर गर्दै सबैको समय अनुकुल पारेर १० दिन पछि आयोजना गर्न लागिएको आयोजकले जनाएको छ।
कार्यक्रममा किरात लिम्बू समुदायको मौलिक नाच केलाङ साथै यालाङ/धान नाच पनि प्रस्तुत गरिने र नेपाल बाट आमन्त्रीत तथा स्थानिय गायक गायिकाहरुको कर्ण पृय स्वरहरु बाट पालाम,हाक्पारे, ख्याली पनि प्रस्तुत गरिने भएको छ। आफ्नो मौलिक धर्म सस्कार सस्कृती चाडबाड बारे जानकारी गराउनुको साथै महत्वपनि बुझाउने प्रयास गरिने भएको छ ।
विशेषत चासोक तङ्नाम( उधौली)प्रकृति पूजक किरात लिम्बू समुदायले आफ्नो खेतबारिमा रोपेको छरेको अन्न बाली पाकेपछी आफ्नो माङ( देउता)तागेरा निमाभुमाङ्लाइ अर्पण गरे पश्चात ग्रहण गर्दै खुसियाली गरेर मनाउने चाड हो । प्रबासमा सबै गर्न सम्भब नभएपनी विधि सम्म गरिने सयङ्का अध्यक्ष हरि लिम्बूले बताएका छन्। साथै सम्पुर्ण याक्थुङ तथा गैर याक्थुङ नेपाली दाजुभाइ दिदिबहिनिहरुलाइ आफ्नो मौलिक भेषभूषामा उपस्थित भइ कार्यक्रम सभ्य र भब्य बनाइदिनुहुन कियाचु अध्यक्ष किरण कन्दवाले हार्दिक अनुरोध गरेका छन्।
