नोभेम्बर १७ मा सउल र किम्हेमा ‘छ माया छपक्कै’ चलचित्र प्रदर्शन हुने
नेपाली चलचित्र घामपानी र गोपी चलचित्र पछि युवा निर्देशक दिपेन्द्र लामाको चलचित्र “छ माया छपक्कै” नेपालमा अक्टोबर ११ देखि प्रदर्शन हुदैछ । सोही चलचित्र दक्षिण कोरियामा नोभेम्बर १७ मा सउल र किम्हे लगाएत शहरमा प्रदर्शन हुने भएको छ ।
नेपाल तामाङ संघ दक्षिण कोरियाको आयोजनामा सउल र तामाङ सामाज ख्याङसान बुसानको आयोजनामा किम्हेमा चलचित्र प्रदर्शन हुनेछ ।
चलचित्र प्रदर्शनबाट आएको आम्दानी सउलमा रहेको तामाङ धिमको दीर्घकालिन व्यवस्थापनको लागि खर्चिने संघका अध्यक्ष मेघप्रसाद वाइबा तामाङले बताए । ‘हामीले चलचित्रबाट आएको आम्दानीमा हामीले थप गरेर चलाउँछौ । यो सामाजिक कार्य पनि हो । सबै साथीभाइलाइ फिल्म हेर्न आउन अनुरोध गर्छु ।’ उनले भने ।
धेरै सामाजिक कार्य गरिसकेको नेपाल तामाङ संघले गर्ने कामहरूमा कोरियावासी नेपालीहररूले सधै सहयोग गरेको संघका संरक्षक तथा एनआरएनए कोरियाका उपाध्यक्ष सोम बहादुर वाईबाले सम्झिए । ‘हामीले जुनसुकै कार्य गर्दा पनि यहाँ रहेका दाजुभाइ दिदी बहिनीले सहयोग गरेका छन् । त्यसैले चलचित्र हेर्न सबै दाजुभाइ दिदी बहिनी आउनु हुन्छ भन्नेमा ढुक्क छौ ।’ उनले थपे ।किम्हेमा रहेको नानाआङा धिमको व्यवस्थापनको लागि चलचित्र प्रदर्शन गर्न लागेको तामाङ सामाज ख्याङसान बुसानका अध्यक्ष सुजित घिसिङले बताए । ‘यो क्षेत्रमै दिदी बहिनीको लागि भएको एक मात्र सेल्टर हो यो नानाआङा धिम भनेको । त्यसैले यो चलचित्र हेरेर मनोरञ्जनसँगै सामाजिक कार्यमा सहयोग गर्नु हुन्छ भन्नेमा हामीले विस्वास लिएका छौ ।’ उनले भने ।
दिप्रेन्द्र लामाको कथा र निर्देशनमा बनेको चलचित्रमा दिपकराज गिरी, केकी अधिकारी, केदार प्रसाद घिमिरे (माग्ने बुढा), जितु नेपाल (मुन्द्रे), स्वपुष्प भट्टा, बुध्दि तामाङ (हैट), प्रकाश घिमिरे, रमा थपालिया, शिशिर भडेल, अनुराघ कुवाँर, बिष्णु सापकोटा, सबिन बास्तोला, बसन्त भट्टा, शारदा गिरी, दिपक क्षेत्री, सुनिता गौतम, राजनी गुरूङ, कुमार गजुरेल, सन्देश लामिछाने, देव जोशी, प्रदिप न्यौपाने र भिम श्रेष्ठ लगायतका कलाकारहरूको अभिनय देख्न सकिन्छ ।
