हजारौं दर्शकमाझ पाँचथर सांगीतिक सौगात भाग १ भब्य रुपले सम्पन्न
गत सेप्टेम्बर १३ तादिख छुसकको दोस्रो दिन पाँचथर सांगीतिक सौगात भाग १ भब्यताका साथ सम्पन्न भएको छ । सउलको हारिमगाक स्थित ए डब्ल्यु कन्भेसनको हलमा आयोजित उक्त कार्यक्रमको मूख्य आकर्षण सविन राई एन्ड फारोह ब्याण्ड रहेको थियो।
हजारौं दर्शकमाझ लोकप्रिय गायक सविन राई एण्ड फारोह ब्याण्डको लाइभ प्रस्तुति दमदार रहेको थियो । गायक राईको गीतमा दर्शकहरु गर्मीको पर्वाह नगरी संगीतमा झुमिरहेका थिए।यसैगरी चर्चित गायिका मेलिना राईले पनि आफ्ना लोकप्रिय गीतहरुबाट दर्शकहरुलाई भरपूर मनोरञ्जन दिलाएकी थिइन्। डान्सर माला लिम्बूको डान्सले माहोल झनै तताएको थियो भने नेपाल आइडलकी फाइनालिस्ट अस्मिता अधिकारी, गायिका अमृता लिम्बू र असोक मुकारुङ राईले पनि बेजोड प्रस्तुति दिएका थिए।
पाँचथर सेवा समाजको पहिलो सांगीतिक कार्यक्रममा पुर्वान्चल सरोकार समाजका अध्यक्ष अमृत राई वोमन फर वोमन संस्थाकी अध्यक्ष ऋतु श्रेष्ठको विषेश उपस्थिति रहेको थियो भने विभिन्न संघसंस्थाहरुको प्रतिनिधिहरुको पनि बाक्लो उपस्थिति रहेको थियो। संस्थाका अध्यक्ष राजेन्द्र चेम्जोङको सभापतित्व रहेको कार्यक्रम एन. आर. एनए. कोरियाकी अध्यक्ष लक्ष्मी गुरुङको प्रमुख आतिथ्य सप्पन्न भएको थियो। नेपालबाट आमन्त्रण गरिएकी संचालिका भूमिका फियाकले कार्यक्रम सञ्चालन गरेकी थिइन्।
कार्यक्रमबाट उठेको रकम अपाङ्ग एवम् असाहय बालबालिकाको निम्ति सहयोग गरिने कार्यक्रम संयोजक कुविर लिङ्देनले जानकारी गराएका छन्। सांगीतिक सौगातलाई सम्पन्न गराउन उपस्थित सम्पूर्ण बिधार्थी,ब्यबसायी, श्रमीक, बिभिन्न सङ्घ संस्थाका प्रतिनिधी, नेपाली दाजुभाई, दिदीबहिनी लगायत सम्पुर्णलाई आयोजकले धन्यवाद ब्यक्त गरेका छन् ।
