पाँचथर सांगीतिक सौगात कार्यक्रमको हल परिवर्तन, तयारी अन्तिम चरणमा
पाँचथर सेवा समाजद्वारा आयोजित पाँचथर सांगीतिक सौगात भाग १ कार्यक्रमको हल परिवर्तन भएको छ। यस अघि तय गरिएको हल विविध कारण बस कार्यक्रम गर्न असमर्थ भएकोले स्थान परिवर्तन गरिएको आयोजकले जनाएको छ। साथै कार्यक्रमको तैयारीपनि अन्तिम चरणमा पुगेको जानकारी प्राप्त भएको छ।
परिवर्तन भएको हलको ठेगाना 컨벤션 센터 ,하림각 종로구 “자하문로 225(부합동) 하림각 रहेको छ। हलसम्म जान ३ नं लाइनको 경복궁역 गेट ३ बाट निस्केर 7018वा7022बस चढि 하림각 ओर्लेर नजिकै रहेको छ। यसैगरी हलसम्म जानको लागि दोङ्देमुन ३ नं. गेटबाट १० मिनेटको फरकमा निशुल्क ३ ओटा बसपनि लाग्नेछ।
सकको दोश्रो दिन सेप्टेम्बर १३ मा गरिने उक्त कार्यक्रम अपांग एवम् असहाय बालबालिका सहयोगार्थ हो। कार्यक्रमको मुख्य आकर्षण लोकप्रिय गायक सविन राई एण्ड फारोह ब्याण्डको लाइभ प्रस्तुति रहेको छ। यसैगरी चर्चित गायिका मेलिना राई, डान्सर माला लिम्बू, नेपाल आइडलकी फाइनालिस्ट अस्मिता अधिकारी, गायिका अमृता लिम्बू र मिलन पूमा राईको पनि बेजोड प्रस्तुति रहनेछ।
कार्यक्रम सफल बनाइदिनको लागि कोरियामा रहेका सम्पूर्ण नेपालीमाझ आयोजकले हार्दिक अनुरोध गरेको छ। कार्यक्रम सम्बन्धि थप जानकारीको लागि संयोजक कुविर लिङ्देन (०१०५५७६०५२६) र अध्यक्ष राज लिम्बू (०१०२१९७२३१२) सँग सम्पर्क गर्न सकिनेछ।
