बुसानमा एक नेपाली झुन्डिएको अबस्थामा मृत फेला

दक्षिण कोरियाकाे बुसानमा एक नेपाली झुन्डिएको अवस्थामा मृत फेला परेका छन् । नेपाल घर काभ्रे बेथानचोक लप्सीबोट भएका २७ बर्षिय केदार तिमिल्सिना मृत भेटिएका हुन् । उनको शबलाई अहिले स्थानीय अस्पतालमा राखिएको छ ।
मंगलबार बेलुकी बेथान गाउँबाट कोरिया आएकाहरुको फेसबुक ग्रुपमा उनको बारेमा कुरा भएको बुझिएको छ । घरतिरबाट एक हप्ता भयो सम्पर्क भएन भन्ने कुरा आए पछि गाउँकै एक जना साथीले मृतक तिमिल्सिनासँग कुरा गरेका थिए । उनले आफु सबै ठीक रहेको र घर तिर अलि अलि तनाब भएकोले सम्पर्क नगरेको बताएका थिए ।
‘हिजो गाउँकै भाइसँग म ठीक छु भनेको मान्छे आज आत्महत्या गर्यो भन्दा पत्याउन मुस्किल भएको छ ।’ काभ्रे सम्पर्क समितिका अध्यक्ष सानु लामाले बताए । ‘कुरा बुझ्दा डिप्रसन भए जस्तो लाग्यो । के कारणले यस्तो भयो यसै भन्न मुस्किल छ । उनले भने । हामीले नेपाली राजदुताबासमा पनि सम्पर्क गरेका छौ । अब के कसरी हुन्छ शबलाई छिटो भन्दा छिटो नेपाल पठाउन सहयोग गर्छौ ।’ मृतक तिमिल्सिना यस अघि काभ्रे सम्पर्क समितिका सकृय सदस्य रहेको निर्वतमान अध्यक्ष सिताराम तिमिल्सिनाले सम्झिए । ‘त्यो भाइ एकदमै सक्रिय थियो । हामीसँग पनि मिलेर काम गर्थ्यो । आज विहान साथीभाइले मलाई दुखद खबर सुनाउँदा सुरुमा पत्याउँदै पत्याइन ।’
मृतक तिमिल्सिना एक कार्यअवधी सकेर पुनः सिविटी परिक्षा दिएर कोरिया आएको बुझिएको छ । साथै यसै हप्ता काभ्रे सम्पर्क समितिले राखेको वनभोज अर्को सुचना नभएसम्मको लागि स्थगित गरिएको आयोजकले जनाएको छ ।