रेशम चौधरीको रिहाईका लागि नेफिन काेरियाले दुताबासमा ज्ञापन पत्र बुझायाे
राजनीतिक बन्दि रेसम चौधरीको रिहाई र नेपालमा भैरहेको आरक्षण बचाउ आन्दोलनको समर्थनमा कोरियामा सङ्कलन भएको दश हजार हस्ताक्षरहरुलाइ नेपाल आदिवासी जनजाति महासंघ द.कोरियाले नेपाली दुताबास काेरियाका कार्यवाहक राजदुत रामसिंह थापालाइ ज्ञापन पत्र बुझाएकाे हाे।
नेपाल आदिवासी जनजाति महासंघ द.कोरिया सम्बद्ध संघ सस्थाका प्रतिनिधिहरु र आदिवासी अभियान्ताहरुले नेपाल सरकारलाइ २ बुदे माग सहित कोरियाका लागि का.बा. राजदुत थापा मार्फत न्यायप्रेमी कोरियाबासी नेपालीहरुको मागलाइ नेपाल सरकारको सम्बन्धित निकायमा पुर्याउनका लागि ज्ञापन पत्र बुझाइएकाे महासंघका अध्यक्ष युगेल तेन्डुप शेर्पाले बताए।साथै काबा राजदुत थापाले पनि उक्त ज्ञापन पत्र नेपाल सरकार सामु पुर्याउने प्रतिबद्धता जनाएका थिए।
ज्ञापन पत्रमा ‘राजनीतिक बन्दी सांसद रेशम चौधरीलाई यथाशिघ्र रिहाई गरी न्यायिक समानता कायम गरियोस् र लोक सेवा आयोगलै लिएको असबैधानिक परिक्षा रद्द गरी पुनः समावेशीताको आधारमा परिक्षा संचालन गरियोस्’ भन्ने माग रहेको छ । ज्ञापन पत्रसहित दश हजार भन्दा बढी हस्ताक्षर बुझाएको महासंघ अध्यक्ष युगेल तेन्डुप शेर्पाले जानकारी दिए । हस्ताक्षरले महासंघ लगायत विभिन्न जातिय संस्थाहरुले निरन्तर रुपमा नेपालमा आन्दोलन गरिरहेका कार्यक्रममालाई समर्थन गरेको बताइएको छ ।
महासंघका अध्यक्ष शेर्पाले विगतको दिनमा दुतावासले ज्ञापनपत्र लागयत विभिन्न कार्यक्रमा बारे सकरात्मक नभएकोमा यो पटक संवेदनशील र सैद्धान्तिक रुपमा प्रस्तुत भएकोमा खुशी ब्यक्त गरे ।
हस्तान्तरण कार्यक्रममा महासंघका अध्यक्ष युगेल तेन्डुप शेर्पाकाे नेतृत्वमा महासंघका प्रमुख सल्लाहकार चित्रबहादुर मोक्तान, बरिष्ठ सल्लाहकार मल्लिका थकाली आदिवासी जनजाति अभियन्ता लगायत जातिय संस्थाका अध्यक्ष तथा प्रतिनिधिहरु उपस्थित भएका थिए।
