“कोरियामा हुने आत्माहत्या र औधोगित दुर्घटनामा कमि ” -नेपाली दुतावास


स्वास्थ्य, सुरक्षा र स्वदेश फिर्ती कार्यक्रम प्रभावकारी भएको दुतावासको भनाई

दक्षिण कोरियाको सउलस्थित नेपाली राजदुतावासका श्रमसहचारी डिल्लीराम बास्तोलाले कोरियामा ६ महिनाको अवधिमा आत्महत्या र औद्योगिक दुर्घटनामा परि मृत्यु हुनेको संख्यामा कमी आएको बताएको छ ।

गत आइतबार राजदुतावासमा आयोजित पत्रकारहरु सँगको अन्तर्कृया कार्यक्रममा श्रम सहचारी डिल्लीराम बास्तोलाले गत सालको तुलनामा यो वर्ष आत्महत्या र औद्योगिक दुर्घटनामा मृत्यु हुनेको संख्यामा कमी आएको बताए । बास्तोलाका अनुसार सन् २०१८ मा २८ जनाले ज्यान गुमाएका थिए । जसमा ८ जनाले आत्महत्या तथा ७ जनाको औद्योगिक दुर्घटनामा मृत्यु भएको थियो । यो वर्षको ६ महिनाको अवधिमा १० जनाको मृत्यु भएकोमा १ जनाको औंद्योगिक दुर्घटनामा परि ज्यान गएको छ भने एक जनाले आत्महत्या गरेका छन् ।

उनले गत वर्षको तुलनामा आत्महत्या र औद्योगिक दुर्घटनामा परि मृत्यु हुनेको संख्यामा कमी आउनुको प्रमुख कारण जनचेतना मूलक कार्यक्रम नै भएको बताए ।

“हामीले जापानबाट र नेपालका वीर तथा पाटन हस्पीटलका मनोचिकित्सकहरुलाई कोरियामा बोलाएर मानसिक तथा स्वास्थ्य सम्बन्धि, आत्महत्या न्यूनीकरण तथा इपीएस कामदारका सुरक्षा, समस्याबारे विभिन्न कार्यक्रमहरु आयोजना गर्दै आएका छौ । यसमा नेपालीको चासो, सहभागीता, सहकार्यले यस्ता जनचेतनामूलक कार्यक्रमहरु प्रभावकारी भएको हो” बास्तोलाले भने ।

यस्ता जनचेतनामूलक कार्यक्रमहरु कतै राजदुतावासले नै आयोजना गर्ने गर्दछ भने कतै माइग्रेन्ट सेन्टर वा सपोर्ट सेन्टरको पहलमा हुँदै आएको दूतावासले जनाएको छ । यहि जुलाईमा यस्तो कार्यक्रम छनानमा हुने जनाएको छ । साथै स्वास्थ्य, सुरक्षा, गुनासो र स्वदेश फिर्ती जस्ता कुनै पनि समस्या छन् भने आइतबार कुनै पनि बेला दुतावासमा फोन गरेर बुझ्न सकिने जनाएको छ । शुक्रबार र शनिबार भने दुतावास बन्द हुनेछ ।

कोरियामा क्रियाशील पत्रकारहरुसंगको छलफलमा कोरियाका लागि नेपाली कार्यबाहक राजदुत किरण शाक्यले कोरियामा गरेका विभिन्न कार्यक्रमबारे जानकारी गराएका थिए ।

उनले भने “थोरै जनशक्ति र सिमित बजेट हुदा पनि हामीले राम्रा काम गर्ने प्रयास गरेका छौ ।” पर्यटन वर्ष २०२० लाई चिनाउन विभिन्न कार्यक्रमहरु गर्दै नेपालको मौलिक पहिचान झल्कने प्रदर्शनीहरु समेत गर्दै आएको शाक्यले जानकारी दिए । त्यस्तै दक्षिण कोरियामा नेपाली विद्यार्थीको अवस्थाबारे बोल्दै नेपालमै पढाई हुने विषय लिएर यहाँ पढ्नका लागि आएको भन्दै असन्तुष्टि जनाए । उनको भनाइ थियो “ती विषयहरु नेपालमै पढ्न सकिन्छ भने यहाँ किन आउने ? त्यसैले यस्ता विषयमा विद्यार्थी भिसामा हामी कडाइ गदैछौ ।”

उनले जेजुदो काण्डबारे दुतावासलाई पहिल्यै जानकरी भएको बताए । “विद्यार्थीहरुले पहिल्यै नै गुनासो गनुभएको थियो, कलेजमा बुझदा बैकिंग प्रोसेसको लागि एलायन कार्ड राखेका हौ, १-२ दिनमा दिन्छौ भनेका थिए । त्यसपछि कसैले केही भनेनन्, पछि त्यो घटना मिडियामा आएपछि पो थाहा पायौ ।” शाक्यको भनाइ थियो ।

त्यस्तै अन्य मुलुकको तुलनामा नेपाली अवैधानिक कामदारको संख्या कम भएको शाक्यले जानकारी दिए । “यसै कारणले गर्दा नेपाल प्रति कोरियन सरकार सकारात्मक छ र कोटा पनि बढाएको छ” उसले भने । दुतावासले पनि अवैधानिक कामदार फर्काउनका लागि कोरियन सरकार तथा नेपाल सरकारलाई स्वदेश फिर्तीको वातावरण मिलाउन आग्रह गरेको जानकारी दिए । उनले पछिल्लो समय एचआरडी ले विभिन्न सिपमुलक तालिमको आयोजना गरेर राम्रो गरेको भन्दै स्वदेश फर्कने कामदारका लागि नेपालमै सहुलियत ऋण, सीप अनुसारको रोजगार भएमा स्वदेश फिर्ती अभियान प्रभावकारी हुने विश्वास व्यक्त गरे ।

कोरियामा रहेका विभिन्न सामाजिक संघसंस्थामा राजदुतावासको उपस्थिती र भूमिका कस्तो रहनेछ भन्ने प्रश्नमा उनले भने “विदेशमा एकअर्काको साथ, सहयोग चाहिन्छ नै । त्यही भएर हामी संस्थाहरु प्रति सकारात्मक नै छौ । बुद्ध प्रतिमा स्थापना अभियानमा हामीलाई कतिपय कुराहरु थाहा हुदा हुदै पनि संरक्षकत्वको भूमिका खेल्यौ ।” “नेपाललाई चिनाउने कुनै पनि कार्यक्रमका लागि दुतावासको सधै सहयोग रहनेछ” उनले थपे ।

आफ्नो प्रतिक्रिया दिनुहोस |
सम्बन्धित शिर्षकहरु
  • सउल नेपाल गुम्बाद्वारा मार्च १ मा बृहत ल्होसार ल्हाब्सोल कार्यक्रम गर्ने, तयारी अन्तिम चरणमा
  • काेरियाका लागि नेपाली दुताबासले काेरियाली अध्यागमन प्रकिया सम्बन्धि अन्तरक्रिया कार्यक्रम गर्ने
  • विनोद बुढाथोकीको अध्यक्षतामा डाइनामिक मोरङ कमिटिको नयाँ कार्यसमिति
  • खोटाङ सेवा समाज दक्षिण कोरियाद्वारा दोङ्देमुनमा सेल्टर सञ्चालन
  • ईपिएस

    सोचेजस्तो छैन कोरिया : ‘एक दिन काम नगरे दुई दिनको तलब काटिन्छ’

    मरिन गाउँपालिका सिन्धुलीका अर्जुन परियार र तिमाल काभ्रेका विमलसिंह लामा दक्षिण कोरियाको खाङवन्दोस्थित छङसनगुन नाम्यन पुग्दा फुरफुर हिउँ परिरहेको थियो । गाडीबाट ओर्लिएर बस्ने होस्टलसम्म पुग्दा उनीहरूको कपाल सेताम्य भइसकेको थियो । बाहिरी तापक्रम माइनस १५ ...

    नयाँ वर्षसँगै दक्षिण कोरियामा कामदारको तलब बढ्याे

    नयाँ वर्ष सुरु भएसँगै दक्षिण कोरियाले सन् २०२० का लागि कामदारको न्यूनतम तलब बढाएको छ । गत वर्षभन्दा यो वर्ष २.८७ प्रतिशतले बढेर प्रतिघन्टा ८ हजार ५ सय ९० वन (७.४ अमेरिकी डलर) भएको छ । कोरियामा दैनिक ८ घन्टाको दरले हप्ताको ४० घन्टा काम गर्ने मजदुरको न्यूनतम ज्याला ...

    कोरिया आइपुगेको १७ दिनमै औद्योगिक दुर्घटनामा परि एक नेपालीको मृत्यु

    ईपिएस मार्फत रोजगारीका लागी १७ दिन अघि मात्र दक्षिण कोरिया आएका एक नेपालीको आैधोगिक दृघटनामा परी मृत्यु भएको छ । सुर्खेत पन्चपुरी नगरपालीका २ घर भई हाल दक्षिण कोरियाको थेजनमा रहेको एक कम्पनीमा कार्यरत २३ बर्षिय थिर बहादुर दर्लामी कम्पनिमा काम गर्दै गर्दा ...

    महिला / बालबालिका

    काेरियालीसँग विवाह

    नेपालमा हुँदा बाला राई व्यस्त पत्रकार थिइन् । झण्डै एक दशक मुलधारको पत्रकारिता गरेकी उनी राम्रो फिचर लेख्थिन् । उनको रुची कला र रंगमञ्च थियो । ...

    काेरियाका नेपालीकाे लागि साहासिक सामाजिक नेतृ अञ्जु केसी

    सन १९९३ मा कोरियामा स्थापना भएको सामाजिक संस्था नेपाली सम्पर्क समिति २६ बर्ष पुगि सक्यो। कोरियामा रहेका नेपालीहरुको दुख सुखमा हातेमालो गर्दै ...

    वमन फर वमन दक्षिण कोरियाको पाँचौ अधिवेशन सम्पन्न अध्यक्षमा रितु श्रेष्ठ

    वमन फर वमन दक्षिण कोरियाको अधिवेशन सम्पन्न भएको छ । आइतबार भएको पाँचौ अधिवेशनबाट अध्यक्षमा रितु श्रेष्ठ निर्वाचित भएकी छिन् । अन्य ...

    कोरियामा वुमन फर वुमन संस्थाको कार्यलाई हेर्दा

    सन २०१० मा केहि सचेत महिलाहरुको पहलमा महिलाको लागि महिला अर्थात वुमन फर वुमन काेरिया भन्ने संस्था खोलिएको थियो। महिला मात्र साधारण सदस्य हुने, ...

    error: Content is protected !!