प्रजिताको ''लाइफ ईज ब्युटिफूल '' चर्चामा ( भिडियो सहित)
निश्चल काउचा
सोल – अष्ट्रेलियामा बसेर नेपाली संगीत क्षेत्रमा सक्रिय प्रजिता गेलाल संगीत पारखीको लागि परिचित नाम हो | ८ वर्ष अघि अध्ययनको शिलशिलामा अष्ट्रेलिया पुगेकी गेलालले अहिलेसम्म करिब ३० वटा गीतमा स्वर भरि सकेकी छिन | २०११ मा पहिलो एल्बम ‘स्टिल लभिङ यु’ , २०१२ मा ‘झुमी झुमी ‘ र २०१५ मा ‘ प्रजिता -आई एम अ ब्युटिफूल गर्ल ‘ गरि तीनवटा एल्बम बजारमा ल्याईसकेकी छिन |
पहिलो एल्बमको ‘चञ्चल चञ्चल’ र ‘तिम्रै लागि’ बोलको गीतले चर्चा बटुल्यो भने दोस्रो एल्बमको ‘ झुमी झुमी ‘ ‘रात ‘ र ‘झरी ‘ बोलको गीत पनि उत्तिकै हित भए | सानै देखि संगीतमा चाख राख्ने गेलाल केही महिना अघि मात्र दुबई पुगेर भूकम्प पीडितको सहयोगार्थ आयोजित कन्सर्टमा आफ्नो प्रस्तुति दिन पुगेकी थिईन | अष्ट्रेलियामा हुने विभिन्न सामाजिक कार्यहरुमा पनि उत्तिकै सक्रिय हुने गेलाल समाजसेवामा पनि रुचि राख्छिन |
गेलालको केही समय अघि बजारमा आएको तेस्रो एल्बमको ‘ लाइफ ईज ब्युटिफुल ‘ बोलको गीत अहिले चर्चामा छ | स्वर तथा शब्द गेलालकै रहेको उक्त गीतमा संगीत शैलेश अधिकारीको रहेको छ | एरेन्जर राहुल प्रधानले गरेका छन् | सुलोचना थिङले निर्देशन गरेको भिडियोमा अमृत सुनुवारले क्यामेरा चलाएका छन् | अभिनय गायिका गेलाल र मोनिक्यु बिल्सब्रोज्सले गरेका छन् | म्युजिक भिडियोको सम्पादन टेकेन्द्र शाहले गरेका हुन् |
