च्याम्पियन प्रशिक्षक गार्डिओला
इङ्लिश क्लब म्यानचेस्टर सिटीका प्रशिक्षक पेप गार्डिओला हाल विश्वकै उत्कृष्ट प्रशिक्षकको रुपमा छन् । बार्सिलोना, बायर्न म्युनिख हुँदै म्यान्चेस्टर युनाइटेडमा प्रशिक्षकको यात्रा गरेका उनले सबै क्लबमा उत्कृष्ट सिजन बिताए ।
उनले बार्सिलोनामा तीन ला लिगाको उपाधि, दुई कोपा डेल रे, दुई च्याम्पियन्स लिग, तीन स्पेनिस सुपर कप, दुई युईएफए सुपर कप र दुई फिफा वर्ड कप जितेका थिए । सन २००८ देखि २०१२ सम्म बार्सिलोनामा बसेर १४ उपाधि जिताएका उनि सन् २०१३ मा बायर्न म्युनिख गए ।
उनले बायर्नलाई पनि उपाधिको कमी हुन दिएनन् । बायर्नमा उनले तीन सिजन घरेलु लिग बुन्डेस लिगमा राज जमाए । त्यस्तै दुई जर्मन कप, एक युईएफए सुपर कर र एक फिफा वर्ड कप जित्न सफल भए । यसरी सन् २०१३ बाट सन् २०१५ सम्म बायर्नमा सफल प्रशिक्षकको रुपमा बसेका उनी सन् २०१६ मा म्यान्चेस्टस सिटी गए ।
सन् २०१६ मा सिटी गएका गार्डिओलाले लगातार दुई सिजनमा सिटीलाई घरेलु लिग प्रिमियर लिग जिताउन सफल भए । उनले सन् २०१७-०१८ को सिजनमा सिटीलाई लिग च्याम्पियन बनाएका थिए ।
त्यसको अर्को सिनज २०१८-१९ को सिजनमा पनि सिटीलाई लिग जिताउन सफल भए । गार्डिओलाले सिटीलाई दुई लिग कपको उपाधि पनि जिताउन सफल भएका छन् । उनले हाल सम्म प्रशिक्षकको यात्रामा तीन क्लबबाट २५ उपाधि जिताई सकेका छन् ।
