५ महिना निशुल्क कोरियन परिकार बनाउने तालिम
रोशन राई
सोल-प्रवासी मजदुरहरुको लागी उफ्यङ माइग्रेन्ट सेन्टरले ५ महिना नि:शुल्क कोरियन परिकारहरु बनाउने तालिम तथा कक्षा संचालन गर्ने भएको छ ।
यही जुलाई ४ आईतवारदेखी हरेक आईतबार बार्हौँ श्रेणीसम्म गरी अक्टोबरसम्म दुई बजेदेखी पाँच बजेसम्म तालिम संचालन गरिने भएको हो ।
सोलको नोक्बन नजिक रहेको उफ्यङ वेगुगिन सेन्टरकी महिला स्टाफ खिम उन्जङले प्रवासी मजदुरहरु ( ई- नाईन्,एच्-टु ) म्यारिड भिसा (एफ्-सिक्स्, एफ्-टु ) का बिदेशी नागरिकहरुलाई निशुल्क तालिम दिन लागिएको जनाइन | तालिममा कोरियन परिकारहरु प्रत्यक्ष बनाएर सिकाइने जनाइएको छ ।
प्रशिक्षण लिन चाहने ब्यक्तिहरुले जुलाई १ सम्ममा संस्थाको आधिकारिक फ्याक्स नं ( ०२-३८८-६३४६) साथै इमेल आईडी ( [email protected] ) मा सम्पर्क गरेर नाम दर्ता गराउनु पर्ने छ । त्यस्तै तालिम लिने इच्छुक हरुले मेजरिङ कप्, मेजरिङ्ग स्पून्, एप्रोन र डिश टावल प्रशिक्षणमा लिएर जानुपर्ने छ ।
उक्त तालिम केन्द्र उफ्यङ माइग्रेन्ट सेन्टर पुग्नको लागी लाईन नं ३ को ट्रैनबाट नोक्बन रेल स्टेशनमा झरी गेट नं ४ बाट बाहिर निस्केर तीन मिनेट जती सिधा अगाडी हिँड्नु पर्नेछ । कुनै समस्या आएमा कार्यलय को फोन नं ०२-३५९-३४१०, र ०२-३५९-३४११ मा फोन गरी नेपाली भाषा बोल्न सक्ने सस्थाकी एक कर्मचारी खिम उन्जङसँग पनि थप बुझ्न सकिनेछ ।
