कोरियामा दशै धमाका साथै साङ्गितिक कार्यक्रम सम्पन्न
नेपालीहरुको महान चाड विजया दशमीको अवसर पारेर दशै धमाका साथै साङ्गितिक कार्यक्रम सम्पन्न भएको छ । मोक्पो साम्हो साझा चौतारी नेपाल मोक्पोद्धारा आयोजित उक्त कार्यक्रममा प्रमुख अतिथीका रुपमा रहनु भएको नेपाली सम्पर्क समितीका अध्यक्ष अन्जु के सिले मोक्पो साम्हो साझा चौतारी संस्था कोरिया कै मज्बुत र सहयोगी सस्थाको दशै कार्यक्रममा उपस्थित भएर शुभकामना अदान प्रदान गर्न पाउँदा आफू अत्यन्त खुसी भएको बताउनुभयो । अध्यक्ष केसीले मोक्पो साम्हो साझ चौतारीको हरेक कार्यक्रम र अभियानहरुमा ब्यक्तिगत तथा एन सि सि को तर्फबाट पनि सक्दो सहयोग गर्ने वचन व्यक्त गर्नु भयो ।
त्यसैगरी कार्यक्रमका विशिष्ठ अतिथि एमटियुका अध्यक्ष उदय राईले संस्थाको कार्यक्रममा प्रत्येक वर्ष सहभागिता जनाउदै आएको बताउदै यो सस्था र नेपाली दाजु भाइ दिदी बहिनीको समस्याको निम्ति आफूले सक्दो सहयोग गर्ने वचन दिदै वडा दशैको सुभकामना दिनु भयो ।
सस्थाका अध्यक्ष सुन्दर सुवेदीको सभापतित्व सम्पन्न उक्त कार्यक्रममा कोरियामा अवस्थित अर्घाखाँची सम्पर्क समिती ,सुन्छन नेपाली समाज,ख्वाङ्जु सामुदायिक समिती,एन आर एन ख्वाङ्जु साखा लगाएतका सस्थाहरुका अध्यक्षहरुको आतिथ्यमा कार्यक्रम सन्चालन भएको थियो ।
दिप प्रज्वलन गरि सुरु गरिएको औपचारिक कार्यक्रमको सुभकामना तथा स्वागत मन्तव्य सस्थाका उपाध्यक्ष एस के रायमाझीले गर्नु भयो । नेपालको हरेक चाड पर्वहरु मनाउदै आइरहेको मोक्पो साम्हो साझा चौतारीमा कुनै जात धर्म सस्कार सस्कृती भौगोलिक विभेद ,जाती वादी, गुट उपगुट रहित राज्निती रहित नेपाल र नेपालीको स्वतन्त्र सस्था रहेको अवगत गराउदै उपस्थित अतिथी लगाएत दर्शक माझ सुभाकामना सहित धन्यवाद दिदै कार्यक्रमका सभापति सुन्दर सुवेदीले औपचारिक कार्यक्रम समापन गर्नु भयो ।
औपचारिक कार्यक्रम सस्थाका महासचिव विधान तामाङले सन्चालन गर्नु भयो । औपचारिक कार्यक्रम सकिएलगतै टिका जामरा लगाउने कार्यक्रम सुभारम्भ भएको थियो । रातो र सेतो दुवै टिका आफ्नो परम्परा अनुसारको अतिथीको हातबाट सम्पुर्न नेपाली दाजु भाइ दिदी वहिनीहरुले टीका ग्रहण गर्नु भएको थियो । नेपाली परिकारको साथमा रमाउदै सम्पुर्ण दर्शकको मन मुटुमा वस्न सफल कोरियामा चर्चा बटुल्न सफल गायिका रमिला गौतम र सुमन चापागाईंले दर्शकलाई आफ्नो प्रस्तुति मार्फत भरपुर मनोरञ्जन दिएका थिए । त्यसैगरी कोरियादेखि अन्य देशहरुमा चर्चा बटुल्न सफल सस्थाका सल्लाहकार साथै चर्चित गायक दावा लामाको प्रस्तुती कै क्रममा सयौं दर्शकको माझ जन्म दिनको केक काटेर जन्मोत्सव मनाइएको थियो । सस्थाका अर्का सल्लाहकार सन्जय तितुङले साङ्गितिक कार्यक्रम सन्चालन गर्नु भएको थियो ।
दशै कार्यक्रम भब्य र सब्य तवरले सम्पन्न गर्नका लागि सस्थाका संरक्षक ,सल्लाहकार ,संयोजक, खेल संयोजक , सस्थाका पदाधिकारी ,मोक्पो एफ सि र मोक्पो भि सि का खेलाडीहरु लगाएत सम्पुर्ण सहयोगि हातहरुमा आयोजक मोक्पो साम्हो साझा चौतारीले हार्दिक अभार प्रकट गरेको थियो ।
