कोरियाको छाङवनमा दशैं तिहार बिशेष कार्यक्रम हुँदै
नेपालीहरुको महान चाड बडा दशैं तथा तिहारको उपलक्ष्यमा सगरमाथा समाजले दशैं तिहार बिशेष कार्यक्रमको आयोजना गर्ने भएको छ । आवास गृह सन्चालानार्थ आगामि अक्टोबर २१ तारिख आइतबार नाम्जी पार्क फुटबल ग्राउन्डमा हुन लागेको यो कार्यक्रममा टिका जमरा लगाउने कार्यक्रम, चिट्ठा, नेपाली खाना, फुटबल प्रतियोगिता लगायत बिभिन्न साँस्कृतिक कार्यक्रमको तयारी गरिएको समाजका अध्यक्ष गोबिन्द श्रेष्ठले जानकारी गराउनुभयो ।
उक्त सगरमाथा समाजले कोरियामा रोजगारीको शिलशिलामा आएका नेपालीहरुको लागी लक्षित गरि हामानको नाम्जिमा आवास गृह संचालन गर्दै आइरहेको छ । बिहान ११ बजेदेखि बेलुकी ५ बजेसम्म हुने उक्त कार्यक्रममा सहभागी जनाइदिनको लागि आयोजकले आग्रह गरेको छ ।
