राष्ट्रिय लोक तथा दोहोरी गीत प्रतिष्ठान नेपाल कोरिया शाखाको पहिलो अधिबेशनको सम्पूर्ण तयारी पुरा

राष्ट्रिय लोक तथा दोहोरी गीत प्रतिष्ठान नेपाल कोरिया शाखाको पहिलो अधिबेशनको सम्पूर्ण तयारी पुरा भएको छ । “हाम्रो लोक दोहोरी हाम्रो शान! प्रवासमा नेपालीहरूको छुट्टै पहिचान”भन्ने मुल नाराका साथ नेपाली गीत संगीतको अग्रणी संस्था राष्ट्रिय लोक तथा दोहोरी गीत प्रतिष्ठान नेपाल बिदेश शाखा दक्षिण कोरियाको एेतिहासिक पहिलो अधिबेशन आगामी सेप्टेम्बर २३ तारिख छुसकको पहिलो दिन हुन लागेको छ । उक्त अधिबेशनमा बरिष्ठ सर्जक तथा उपाध्यक्ष बिदेश बिभाग प्रमुख साथै बरिष्ठ सर्जक रमेश बि.जी.कोरिया आउने भएका छन् । उक्त अधिबेशनमा कोरियामा रहेका सम्पूर्ण लोक तथा दोहोरी गीत संग सम्बन्धित साथै अन्य संघ संस्था,बुद्धिजीबि,ब्यापारी,बिधार्थी लगायत सम्पुर्ण नेपाली महानुभाबहरूलाई उपस्थित भई अधिबेशन भब्य एबं सभ्य रूपमा सफल बनाई दिनको लागि अधिबेशन आयोजक समितिका संयोजक जीतन भाई श्रीसले हार्दिक अनुरोध गरेका छन।

लोक तथा दोहोरी गीतलाई ह्रदयदेखी नै माया गर्ने कोरिया बासी सम्पूर्ण नेपालीहरूलाई एकै ठॉउमा समेटी राष्ट्रिय पहिचानलाई अभिब्यक्त गर्न लोक संस्कृतिको धरोहर नेपालमा सबै भन्दा अग्रणी संस्था लोक तथा दोहोरी गीतलाई ब्यवस्थित गराउन, मौलिक लोक संस्कृतिको जगेर्ना गर्ने साथै बिशुद्द सामाजिक संस्थाको रूपमा संचालन गर्ने उद्देश्य राखी आयोजना गर्न लागिएको एेतिहासिक पहिलो अधिबेशन सफल पार्नको लागि राष्ट्रिय लोक तथा दोहोरी गित प्रतिष्ठान नेपालका केन्द्रिय बरिष्ठ उपाध्यक्ष,बिदेश बिभाग प्रमुख साथै बरिष्ठ सर्जक रमेश बि.जीको प्रमुख अतिथिका रुपमा रहने भएका छन् भने प्रवासमा रहेर पनि राष्ट्रिय लोक संस्कृतिको उत्थानको लागि निरन्तर लागिरहनु हुने गायक संगितकार साथै राष्ट्रिय लोक तथा दोहोरी गीत प्रतिष्ठान नेपाल जापान शाखाका बरिष्ठ सल्लाहकार  रामकृष्ण बम मल्लको पनि उपस्थिति रहने भएको छ । कार्यक्रम कोरियाको राजधानी सौलस्थित रेल लाईन नं ५ यउईदो स्टेशन गेट नं ३ दुर्गा रेष्टुरेण्ट दोस्रो तल्ला सभा हलमा शानदार एबं भब्य रूपमा सम्पन्न हुने भएको छ ।

साथै सांगितिक भ्रमणमा कोरियामा रहनु हुने राष्ट्रिय स्तरका ख्याति प्राप्त चर्चित कलाकारहरू राष्ट्रिय लोक तथा दोहोरी गीत प्रतिष्ठान नेपालका द्वितिय उपाध्यक्ष रामजी खाँण र केन्द्रिय सदस्य द्वय शिब हमाल ,राजन गुरुङ लगायत अन्य कलाकारहरूको पनि गौरवमय उपस्थिति हुने  गायक सर्जक सि .पी. मगरले जानकारी दिएका छन।

अधिबेशन सफल बनाउनको लागि अहोरात्र खटिनु हुने साथै आर्थिक,नैतिक भौतिक रूपमा सहयोग गरिरहनु हुने सम्पूर्ण महानुभावहरूलाई हार्दिक निमन्त्रणा दिदै आउदा दिनहरूमा अझै थप सहयोग र हौसला दिनु हुनेछ भन्दै कोरियामा रहनु हुने सम्पुर्ण कलाकर्मीहरूलाई साधारण सदस्यता लिनको लागि पनि आयोजकले आग्रह गरेको छ ।