कोरियामा फोन कार्ड बेचेरै मासिक ढेड लाख कमाइ
लिलु डुम्रे
सोल-रोजगारीका लागि दक्षिण कोरिया रहेका एक युवाले नेपाल टेलिकम र एनसेलको रिचार्ज कार्ड कोरियामा बिक्रि गरि आकर्षक कमाइ गरिराखेका छन् । सलांग ८ धार्दिंगका बलराम सिलवालले कार्ड बिक्रिबाट मासिक डेढ लाख रुपया भन्दा बढी आम्दानी गरिरहेका हुन् । सिलवालले कम्पनिको कमाइको अतिरिक्त कार्ड खरिद बिक्रिबाट उक्त रकम आर्जन गरिरहेका छन् ।
इपिएस मार्फत कामका लागि कोरिया आएका सिलवालले नेपाली युवाहरुलाइ रिचार्ज कार्ड बेच्दै आएका छन् । रिचार्ज कार्ड खरिदका लागि सुरुवाती पाँच लाख वन बाट कारोबार सुरु गरेका उनले हाल सातामा ८० लाख वन बराबरको कार्ड खरिद बिक्रि गरिरहेको बताए । नेपाली युवाहरुले कोरियामा उनिसंग खरिद गरेका कार्ड नेपालमा आफ्ना आफन्तहरुलाइ रिचार्ज गर्ने गरेका छन् । कोरियाबाट नेपालमा गरिने कल महशुल दर भन्दा नेपालबाट कोरिया कल गर्दा धेरै सस्तो हुनाले युवाहरुले कार्ड यहाँ खरिद गरि नेपालमा रिचार्ज गरेर फोन गर्न लगाउने गरेका छन् ।
सिलवालले फेसबुक मार्फत आफ्ना ग्राहक बढाइ रहेका छन् । पाँच हजार भन्दा बढी युवाहरुले उनि संग कार्ड खरिद गर्ने गरेको जानकारी दिए । पाँच सय र हजार रुपयाका कार्ड खरिद गर्नेहरुको संग्ख्या बढी छ । दिनहु नया ग्राहक थपिदै गएकोले सिलवालले मात्रै गर्न समय अपुग भएपछि पवन सिलवाल र काजिमान राइले उनलाई सघाईरहेका छन् । दिवा र रात्री गरि दुइ शिफ्टमा काम गर्ने सिलवालले आइतबार बिदामा झन् व्यस्त हुनुपर्ने बताए ।
नेपाली रिचार्ज कार्डहरुको साथै उनले कोरियाका टेलिफोन प्रदायक कम्पनीहरु एसके ,केटि र एलजीका सर्बिस कार्डपनि बिक्रि गर्दै आएका छन् । कोरियाको प्रिपेड सिमको अवधि एक महिना मात्रै हुने हुनाले प्रत्येक महिना भ्यालीडीटि बढाउन अनिवार्य हुदा सर्बिस कार्ड पनि उल्लेख्य बिक्रि हुने गरेको उनले बताए ।
नेपाल कलिंग कार्डको साथै मोबाइल एप्स लिबोन लगायतमा पनि उनले रकम रिचार्ज गर्दै आएका छन् । लामो समय कुरा गर्न चाहने युवाहरुले आफ्ना श्रीमती र केहिले प्रेमिकाहरुका नम्बरमा रिचार्ज गर्ने हुनाले बिक्रि बढेको उनले स्पष्ट पारे ।
