एम्बुलेन्स सेवा सहयोगार्थ कोरियामा रिदम लाइभ कन्सर्ट गरिने
धादिङ र काभ्रे जिल्लाको विकट क्षेत्रमा एम्बुलेन्स सेवा सहयोगार्थ यहि आउँदो सेप्टेम्बर २४ तारिख रिदम लाईभ कन्सर्ट एन्ड साँगितिक धमाका कार्यक्रमको आयोजना गरिने भएको छ । कोरियाली महान चाड छुसकको दोस्रो दिन काभ्रे सम्पर्क समिती र धादिङ समाज कोरियाको सँयुक्त आयोजनामा हुन लागिरहेको रिदम लाईभ कन्सर्ट एन्ड साँगितिक धमाकाको बारेमा बिस्तृत जानकारी गराउन यहि अगष्ट २६ तारिख पत्रकार सम्मेलन गरिने भएको छ । कोरियाको राजधानी सउलस्थित नेपाल हाउसमा दिनको १२ बजे सुरु हुने उक्त पत्रकार सम्मेलनमा कोरियामा रहेका सम्पुर्ण पत्रकार तथा बुद्धिजिबि बर्गको उपस्थितिको लागि आयोजकले आग्रह गरेको छ । स
म्मेलनमा कार्यक्रमको लक्ष्य र उदेश्य प्रष्ट पारिने आयोजकले जनाएको छ ।
उक्त सांगीतिक कार्यक्रममा नेपालका चर्चित गायक दिपक बझ्राचार्य र रिदम ब्यान्डको साथै चर्चित मोडेल तथा डान्सर अञ्जली अधिकारी, नव उदयमान गायिका पुर्णिमा लामा,चर्चित मोडेल तथा कलाकार रक्षा श्रेष्ठ, चर्चित कमेडियन राजा राजेन्द्र पोखरेल अनि चर्चित दोहोरी गायिका बबिता बानिँया (जेरि) सहित स्थानिय कलाकारहरुको YES 24 LIVE HALL मा बेजोड प्रस्तुती रहने आयोजकले जनाएको छ ।
उक्त कार्यक्रममा कोरियामा रहेका बिभिन्न संघ संघ संस्थाका प्रतिनिधी, सम्पूर्ण पत्रकारजन र कार्यक्रमको मिडिया पार्टनर हरुलाई बिशेस उपस्थितिको लागि पनि कार्यक्रम आयोजकले हार्दिक निमन्त्रणा गरेको छ ।
