किम्हेमा नर्वौं माइग्रेन्ट भलिबल च्याम्पियनसिप २०१८ हुने

दक्षिण कोरियाको किम्हे शहरमा आगामी सेक्टेम्बर २५ तारिख नर्वौं माइग्रेन्ट भलिबल च्याम्पियनसिप २०१८ नामक वृहत भलिवल प्रतियोगिताको आयोजना गरिने भएको छ ।
न्यू भिजन ग्रुप दक्षिण कोरियाको आयोजना तथा माइग्रेन्ट हाउसको प्रायोजनमा किम्हेको 660 Guson  Gimhae, Gyeongsangnam-do हलमा हुने आयोजकले जनाएको छ ।

विगत केही वर्षदेखि विभिन्न मुलुकबाट विभिन्न कार्य शिलशिलामा दक्षिण कोरिया आएका प्रवासीहरुविच भलिबल लगायत विभिन्न खेलहरुप्रति आम मानिसहरुको अभिरुचि बढदै आएको छ । त्यसैले पनि विभिन्न समयमा फुटवल तथा भलिवल प्रतियोगिताको आयोजना भइरहेको छ । सोही अन्र्तगत गतवर्षदेखि न्यू भिजन ग्रुप दक्षिण कोरियाले भलिवल प्रतियोगिताको आयोजना गर्दै आएको हो । व्यस्त कार्र्यशैलीमा केही हदसम्मका लागि स्वस्थ्य, स्फुर्ति साथै मनोरञ्जन प्रदान गरी टिमहरुबिच एक आपसमा भाइचाराको सम्वन्ध गाढा बनाउने उदेश्य रहेको न्यु भिजन ग्रुपको खेलकुद विभागको संयोजक तगेन्द्र राईले बताउनुभयो ।

उक्त प्रतियोगितमा भाग लिन चाहने इच्छुक समूहले सेक्टेम्बर १५ तारिखसम्म नाम दर्ता गराइसक्नु पर्ने छ ।

यस भलिवल प्रतियोगिता खेलमा प्रथम हुने टिमले नगद १५ लाख वन साथै प्रमाणपत्र र मेडल प्राप्त गर्ने छन् । त्यसैगरी दोस्रो हुने टिमले नगद १० लाख वन र मेडल प्राप्त गर्नेछन् । साथै प्रतियोगितामा सबै भन्दा राम्रो खेल्ने खेलाडीलाई उत्कृष्ट खेलाडीको रुपमा दुई लाख वनसहित मेडल प्रदान गरिने भएको छ ।

यस भलिबल प्रतियोगितामा भाग लिनका लागि दुई लाख वन दर्ता शुल्क राखिएको छ । दर्ता भएका टिमहरुको टाइसिट सेक्टेम्बर १६ तारिखका दिन किम्हे माइग्रेन्ट सेन्टरमा दिनको तीन बजे हुने भएको छ । प्रतियोगिता बिहान नौबजेदेखि शुरु हुने छ ।