निश्चल काउचाको ‘लहना’ले बजार तताउदैं (भिडियो सहित)
ऐश्वर्य श्रेष्ठ
सोल – दक्षिण कोरियामा ईपिएसमार्फत ३ बर्षअघि कोरिया आएका निश्चल काउचा यतिबेला एउटा गजलको कारण चर्चामा छन् ।
प्रमोद खरेलको आवाजमा रहेको ‘लहना’बोलको गीतको म्युजिक भिडियो सार्वजनिक भएसंगैं गजलकार काउचाको यो गीतले एकाएक बजार तताउदैंछ ।एल्बम नैं निकाल्ने तयारी गरेका गजलकार काउचाले एउटामात्र गीत समेटर सो गीतको म्युजिक भिडियो बजारमा सार्वजनिक गरेका हुन् ।
४/५ बर्षअघिदेखि साहित्य क्षेत्रमा कलम चलाउदैं आएका गजलकार राम्रो गजलकार हुनकासाथैं साहित्यको कविता विधामा समेत उतिकैं कलम चलाउंछन् ।भिडियो सार्वजनिक भएको केही दिनमैं चर्चामा पुग्नुको साथैं गजलले बजारमा राम्रो प्रतिक्रिया पाएको गजलकार काउचा बताउछन् ।
बजारमा अहिलेसम्म कृति बजारमा नल्याएका गजलकार काउचाले पुस्तक प्रकाशनको तयारी गरेतापनि अहिले बजारमा ल्याइनसकेको बताए ।
यो गजलमा संगीत राजेश थापाको रहेको छ भने शम्भुकुमार तन्दुकारले संगीत संयोजन गरेका हुन् ।होम धितालको निर्देशनमा बनेको यो म्युजिक भिडियोमा मदन मर्हजनले क्यामेरा चलाएका छन्,भने रोशन धितालले सम्पादन गरेका हुन् ।
महेश रसाईली,निशा शाह ठकुरी र एकराज बैंजुको अभिनय रहेको सो गीतको धिताल फिल्म्सको प्रस्तुतीमा बजार प्रर्वद्धन हाइलाइट्स नेपालले गरेको हो ।
