किम्हेमा भएको पुल प्रतियोगितामा जोसेफ मगर बने विजेता
किम्हे, एन आर एन कोरिया ख्यंगसांगनाम्दो शाखाको आयोजनामा आईतबार किम्हेमा भएको पुल प्रतियोगितामा जोसेफ मगर विजेता बनेका छन । किम्हे स्थित न्यू लिटिल ईन्डिया रेष्टुरेन्टमा भएको प्रतियोगितामा दुर्गा रेष्टुरेन्ट किम्हेको तर्फबाट संतोष खवास उप विजेता बनेका छन । निकै प्रतिस्पर्धात्पक बनेको फाईनल खेलमा ३–२ को सेटमा जोसेफ मगरले सन्तोष खवासलाई पराजित गरेका हुन ।
विजेताले ट्रफी अनि प्रमाण सहित ५ लाख वन जितेका छन भने उप विजेताले ट्रफि,प्रमाण पत्र सहित ३ लाख पाएका छन । विजयी खेलाडीहरुलाई कार्यक्रमका प्रमुख अथिति नेपाल पत्रकार महासंघ दक्षिण कोरिया शाखाका अध्यक्ष खेम कार्की, कार्यक्रमका सभापति एन आर एन कोरिया ख्यंगसांगनाम्दो शाखा अध्यक्ष निरज पाण्डे, अथिति तथा न्यू लिटिल ईन्डियाका संचालक गोविन्द पाण्डेले शिल्ड तथा प्रमाण पत्र प्रदान गरेका छन ।
विहान १० बजे देखि बेलुका ८ बजे सम्म भएको निकै रोचक खेलमा ४० खेलाडीको सहभागिता थियो भने दर्शकहरुले पनि खेल समयभरी उत्साहपूर्वक साथ दिएर कार्यक्रम भव्य बनाउन सहयोग गरेका छन । कार्यक्रमका सभापति शाखा अध्यक्ष निरज पाण्डेले कार्यक्रम सफल पार्न सहयोग गर्ने सबै खेलाडी, रेफ्रि, स्वयंसेवक, कार्यसमिति लगायत सम्पूर्ण अथिति तथा सहभागिलाई हार्दि धन्यवाद ज्ञापन गरेका छन । यो खेलले कोरियामा रहेका नेपालीहरुविचको आत्मियता बढनुको साथै मनोरन्जन समेत दिएको आयोजकले बताएको छ ।
