प्रथम बुद्ध जयन्ती फुटसल प्रतियोगिता २०१८ भव्यताका साथ सम्पन्न

तामाङ समाज ख्याङसाङ्नाम्दो बुसान, दक्षिण कोरियाद्वारा आयोजित “प्रथम बुद्ध जयन्ती फुटसल प्रतियोगिता २०१८” भव्यताका साथ सम्पन्न भएको छ। “बुद्ध नेपालमा जन्मेको हो” भन्ने मुल सन्देश फैलाउन र संस्थाको पहिचानका लागि गरिएको उक्त प्रतिगिता कोरियाको बुसान शहर नजिकै 웅상 체육공원 को फुटसल मैदानमा भएको थियो।

आयोजकको दुई टिम सहित सत्र टिमको सहभागिता रहेको उक्त प्रतियोगिता लिग र नकाउट गरि दुई चरणमा खेलाएको थियो। उक्त प्रतियोगिताको फाइनलमा हिमालयन एफसीलाई पराजित गर्दै ह्याङ ओभर एफसी इलामले प्रतियोगिताको विजेता बन्दै १५ लाख वन प्राप्त गर्न सफल भयो भने हिमालयन एफसीले उपविजेता हुदै १० लाख वन प्राप्त गर्यो । त्यसै गरि सर्वोत्कृष्ट गोलरक्षक तर्फ ह्याङ ओभर एफसीका सुलभ सिं गौरतल, सर्वत्कृष्ट खेलाडी तर्फ हिमालयन एफसीका सन्तोष शेर्मा तथा सर्वाधिक गोलकर्ताको कप थेगु ११ एफसीका खेलाडी (१७ गोल) सुरेन मगरले कप प्राप्त गर्नु भएको थियो।

उद्घाटन सत्रको कार्यक्रम तामाङ समाज ख्याङसाङ्नाम्दो बुसान, दक्षिण कोरियाको अध्यक्ष विश्वास ब्लोनको सभापतित्वमा, नागार्जुन गुम्बाका प्रमुख लामा गुरु उर्गेन लामाको प्रमुख आतिथ्यतामा भएको थियो। विशिष्ट अतिथिमा नेपाल फुटबल महासंघ दक्षिण कोरिया, नेपाल तामाङ संघ दक्षिण कोरिया, आदिवासी जनजाती महासंघ बुसान शाखा,बुसान, NRNA किम्हे लगायत विभिन्न संघ संस्थाहरूको उपास्थित रहेको थियो।

कार्यक्रमका प्रमुख अतिथि गुरु उर्गेन लामाले बुद्ध नेपालमा नै जन्मिनु भएको हो भन्ने विश्वमा प्रमाणित गर्नको लागि हामीले बोल्नुको साथै यस्तै कार्यक्रमहरु गर्दा उचित हुने मान्तवय राख्नु भयो। कार्यक्रममा प्रत्यक्ष तथा अप्रत्यक्ष रूपमा सहयोग गरिदिनु हुने विभिन्न संघ-संस्थाहरु, क्लबहरू, खेलाडीहरु, स्वयंसेवकहरु, लुम्बिनी रेष्टुरेन्ट, मिडिया पार्टनर र आयोजकका सम्पुर्ण पदाधिकारी सदस्यहरूलाई संस्थाका अध्यक्ष विश्वास ब्लोनले विशेष धन्यवाद ज्ञापन गर्नु भएको छ।