हानपास रेमिट्यान्सले सनराइज बैंकसँग सहकार्य गर्दै
दक्षिण कोरियामा केही समय अघि खुलेको हानपास रेमिट्यान्सले आधिकारिक रुपमा सनराइज बैंकसँग सहकार्य गरेको छ । बिगत २ बर्ष देखि कोरियाबाट सफल रुपमा रेमिट्यान्स भित्राउदै आएको सनराइज बैंकले ग्राहकहरुको सुविधालाई मध्यनजर गर्दै नेपालको सनराइज बैंकमा खाता हुने ग्राहकहरुले हानपास रेमिट्यान्सदेखि पठाएको रकम तुरुन्तै प्राप्त गर्ने सक्ने प्रणाली लागु गरेको छ ।
छोटो समयमै हानपास रेमिटलाई माया गरि हानपास सेवा प्रयोग गर्नु भएकोमा समस्त ग्राहक महानुभावहरू प्रति हार्दिक आभार ब्यक्त गर्दै आनपास रेमिट्यान्सले आधिकारिक रूपमा सनराईज बैङ्कसङ्ग पनि जोडिएको बताएको छ । हानपास रेमिट्यान्सका अनुसार अब सनराईज बैङ्कका प्रयोग कर्ताहरुले सजिलै सस्तो रेटमा हानपासको प्रयोग गरी नेपालमा आफ्नो खातामा तुरुन्त रकम जम्मा गर्न सक्नुका साथै क्यास पिकअपको लागी पनि अप्सनहरु थपेको छ ।
सनराइज बैंकले हाल कोरियाको आइबिके बैंक देखि इजी एकाउन्ट मार्फत रेमिट्यान्स भित्राउदै आएको छ । सनराइज बैंकको पुरानो सेवालाई भने यथावत राखिएको छ ।
