सोलुखुम्बु सेवा समाजद्धारा आयोजीत एभरेष्ट म्युजिकल कार्यक्रमको समीक्षा सम्पन्न
सोलुखुम्बु सेवा समाज दक्षिण कोरियाले गत फेब्रअरी १५ तारिख सौलमा आयोजना गरेको एभरेष्ट म्युजिकल कार्यक्रमको समिक्षा गरेको छ । कोरियाको सुवन स्थित हिमालय सोलु हाउसमा मार्च १७ तारीखका दिन एक भेलाको आयोजना गरी नेपालका ख्यातीप्राप्त कलाकारहरुको साथमा सम्पन्न वृहत कार्यक्रमको समक्षिा गरिएको हो ।
समिक्षात्मक भेला कार्यक्रममा सोलुखुम्बुबासीहरूको साझा संस्था सोलुखुम्बु सेवा समाजको उद्देश्यमा प्रतिबद्धता भई कार्य व्यस्तता बाबुजुत पनि कार्यक्रमको तयारीको बेलादेखि सम्पन्न हुदाको अबस्थासम्म प्रत्यक्ष अप्रत्यक्ष ढंगले सहयोग गर्नु हुने महानुभावहरु प्रती विशेष धन्यवाद ज्ञापन गरिएको थियो ।
त्यसैगरी कार्यक्रम सफलताको लागी एभरेष्ट म्युजिकल कार्यक्रमको सबै भन्दा धेरै टिकट बिक्री गरी सहयोग गर्नु हुने इलाम सुर्यदय समाजका अध्यक्ष मञ्जु लावती, केन्द्रराज कुलुङ , राजु राई, पासाङ शेर्पा, अशोक राई साथै अन्य सहयोगी व्यक्तिहरुमा आयोजकले आभार व्यक्त गरेको छ । साथै उद्देश्य पुर्ण सफलताको लागी सहयोगी व्यक्तिबाट घोषणा भुक्तानी बाकी रकम यथाशीघ्र संकलन गरीने निर्णय भएको समेत आयोजकले जनाएको छ ।
