जाजरकोटमा सार्वजनिक पुस्तकालय खोल्ने युबाहरुको सपना, कोरिया बासी नेपालीसग सहयोगको अपिल
नेपालको शासन ब्यबस्थामा परिबर्तन भएपनी धेरैको अबस्था जहाको त्यही छ । अझ दुर्गम कर्णाली प्रदेशको त कुरै छाडौ जहाँ नुन र सुनको दाम समेत उस्ता-उस्तै पर्न जान्छ । सरकारको समेत कर्के नजर पर्ने भएकोले कर्णालीको भौगोलिक बिकटता र कष्टकर जनजीबन पर्यायबाची जस्तै रहेको छ ।
वर्षभरी रोजीरोटीको लागी मुस्किल पर्ने कर्णालीका अधिकाम्श नागरिकहरुलाई शिक्षाको कुरा त झन काठमाडौ जत्तिकै टाढा हुने गर्दछ । निरक्षरता सगै गरिवीको चरम अभाव र पीडामा पिल्सिन बाध्य कर्णाली प्रदेशको चिनारी नै विकटता र आर्थिक विपन्नता बनेको छ ।
त्यही कर्णाली प्रदेशको जाजरकोटमा सार्बजनिक पुस्तकालय स्थापना गर्ने भनेर कोरियामा एक युबा समुह कृयाशिल बनेका छन् । थोरै भए पनि शिक्षाको ज्योती फैलाउन मद्दत पुर्याउने उदेश्य स्वरुप पुस्तकालय निर्माण अभियानमा उनीहरु जुटेका हुन् ।
एउटा सचेत नागरिकको हैसियतले सामाजिक उत्तरदायित्व बहन गर्न भनेर हेमन्त पुनको नेतृत्वमा महेश थापा र लालमणी काफ्ले सहित अन्य युबाहरु लागि परेका छन् ।
कोरियालाइ कर्मथलो बनाएका यी तिनै जना युबाहरु सामाजिक कार्यमा पनि सधै अग्रसर हुने गरेको पाइन्छ। जसमध्ये लालमणी काफ्ले कोरियाको इ-सेभेन भिसा बाहक नेपालि हुन् ।जुन भिसा हाल कोरियामा औलामा गन्न सकिने मात्र नेपालीले प्राप्त गरेका छन् ।
यी तिनै जना युबाहरुले सामुहिक रुपमा कोरियामा रहेका नेपाली दाजु भाइ दिदी बहिनीहरु सग थोरै सहयोगको अपेक्षा गर्दै यो पुण्य कार्यमा सहभागी हुन अपिल गरेका छन् ।
सहयोगको लागि सम्पर्क
हेमन्त पुन – ०१०४८९७७६७५
लालमणी काफ्ले – ०१०२१६७४५०५
महेश थापा – ०१०२६८९०६८९
सहयोगको लागि बैंक खाता नम्बर
लालमणी काफ्ले आइ. बि. के. बैंक –
३७६०२१९४२०१०१६
