कोरियाको सडकमा पैसा माग्दै नेपाली
सोल
एक हट्टा कट्ठा सक्षम जवान युवा विदेशको सडकमा हात फैलाउदै पैसा माग्दा राष्ट्रको छवि कस्तो हुन्छ होला सहजै अनुमान गर्न सकिन्छ । यसरी नै आप्mनो देश नेपालको छविलाई लज्जाबोद्ध गराउदै दक्षिण कोरियाको व्यस्त सडकमा पैसा मागिरहेको अवस्थामा भेटिए तीन नेपाली युवाहरु ।
शुक्रबार कोरियाको राजधानी सउलको नाम्भु (उत्तर दक्षिण ) बस टर्मिनलमा नेपाली युवा हातमा केहीपत्र देखाउदै बाटुवा कोरियनहरुसंग पैस मागिरहेका एनआरएनए कोरियाकी अध्यक्ष लक्ष्मी लामा गुरुइ०ले भेटिन । नजिकै रहेको एक जनाले आपूm नेपालमा प्राध्यपक भएको र कोरिया पढन आउदा खर्च नभएकाले बाटोमा यसरी माग्नु परेको बताउदै तर्किदै भागेको लामाले बताइन ।
ती युवाले इन्टरनेशनल रिलिफ फ्रेण्डशिप फाउण्डेशन (आइ.आर.एफ.एफ नेपाल) नामक संस्थाको पत्र देखाउदै पैसा माग्दै हिडेका थिए । सोही संस्थाको लेटरप्याडमा सचिव प्रिया रत्नम हर्जनको हस्ताक्षर गरिएको “जो जससंग सम्बन्धीत छ ” भन्ने शिर्षकमा पत्र लेखिएको छ । पत्रमा नेपालबाट कोरिया भ्रमणमा आएका स्वयमसेवी विद्यार्थिहरुले गरिब बाबालिकाको लागि कोरियामा आवश्यक सहयोग लिन अनुमति लिएको उल्लेख गरिएको छ । यो संस्थाले नेपालमा अनाथ तथा गरिब बालबालिको लागि स्वास्थ्य र शिक्षामा सहयोग गरिरहेको जानकारी पनि गराएको छ ।
यस घटना बारे दूतावासलाई सूचित गरिएको एनआरएन अध्यक्ष लामाले बताइन । लामाका अनुसार दूताबासले यस घटनाबारे थप अध्ययन गर्ने बताएका छन् । काम गर्न सकिने राष्ट्र कोरियामा पनि बाटोमा हिड्ने बटुवासंग व्यक्तिगत पैसा माग्दै हिडेको देख्दा दुःख लागेको उनले थपे । ती युवाबाट प्राप्त चन्दा दिइने व्यक्तिहरुको नामावली अनुसार एक जनाले पाँचहजार देखि पाँच लाख वन (रु.५० हजार) सम्म पैसा दिएका देखिएको छ ।
यसरी कोरियाको सडकमा पैसा माग्ने युवा उनीहरु पहिलो भने हैनन् । विगतमा पनि यस्तै युवाहरुलाई कोरियाको सडकमा केही नेपालीहरुले भेटेपछि नेपालको बेइच्जत ग¥यो भन्दै नेपाली राजदूताबासमा पुराएका धेरै उदाहरण छन् । सन २०१२ मा सुवन शहरको एक विश्वविद्यालयको अगाडी बाटोमा गरिब बालबालिकाहरुको तस्वीर देखाउदै यसैगरी पैसा मागिरहेको भेटेपछि स्थानिय नेपाली व्यवसायी बुद्धी गुरुङ र कहरमान राईले पक्रेर मोटरमा राखी तत्काल सउल स्थित राजदूताबासमा पुराएका थिए । तत्कालिन राजदूत कमानसिंह लामाले सोधपुछ गरी अब यस्तो नर्गनु, फेरी यसरी भेटिए प्रहरीलाई जिम्मा दिने डर देखाएर पठाइ दिएको व्यवसायी गुरुङको अनुभव छ ।
यसरीनै पटक पटक गरी करिब ९ जनाजति यस्ता युवाहरुलाई सडकमा भेटिएपछि दूताबास पुराएको सउलका अर्का व्यवसायी पुरु जोशी बताउछन् । तर दूताबास र कोरियन प्रहरीले पनि उनीहरुलाई केहीगर्न नसकेको गुनासो छ उनीसंग । सन २००७ सालदेखि नै कोरियाको सडकमा यसरी नेपालीहरु माग्दै गरेको भेटिएको जोशीको अनुभव छ । कोरियाको क्रिष्चन विश्वविद्यालय सनमुनबाट विद्यार्थि भिषा मिलाई युवाहरु कोरिया प्रवेश गर्ने गरेको जोशीको भनाइ छ । ती पैसा माग्ने युवाहरुसंग बुझदा नेपालका पूर्व मन्त्री एक नाथ ढकाल संलग्न भएको बाल्र्ड पिस नामक क्रिष्चीयन संस्थाबाट युवा युवतीलाई भिषा बनाई कोरिया पठाएर सडकमा यसरी नै पैसा माग्न लगाउने गरेको पाइएको जोशीले बताए । यसरी उठाएका पैसाहरु संस्थालाई बुझाउने र कमिसनकोरुपमा आपूmले केही पाउने गरेको यस्ता कार्यमा संलग्न युवाहरुले बताएको जोशीले सुनाए ।
बाटोमा पैसा मागिरहेको दृश्यलाई कैद गरी फेसबुक मार्फत सार्वजनिक गर्दै कोरियामा यसका विरुद्धमा अभियान नै संचालन गरेपछि केही कम भएको महशुस गरेका थिए । तर फेरी यस्ता गतिविधी शुरु हुनथालेको पाइएको छ । कोरियामा स्थानिय मिडियाबाट पनि यसका विरुद्धमा समाचार र लेखहरु प्रकाशन र प्रसारण गरी नेपालीहरु विरुद्धमा उत्रेका थिए ।
