कोरियामा राजदूताबासले ६८ औ प्रजातन्त्र दिवस मनाए

सोल

दक्षिण कोरियाको सउल स्थित नेपाली राजदूताबासले मंगलबार ६८ औ प्रजातन्त्र दिवस मनाएका छन् । फागुन ८ गते मंगलबार अपराहन्न शुभकामना कार्यक्रम र द्धिप प्रज्वलन गरी दिवस मनाएका छन् ।

शुभकामना कार्यक्रमलाई सम्बोधन गर्दै राजदूत अर्जुनजंग बहादुर सिंहले विदेशमा रहेर पनि प्रजातन्त्रको जर्गेनाको लागि र प्रजातान्त्रिक हक अधिकार संरक्षणको लागि एक जुट हुन आवश्यक रहेको धारणा राखे ।

सउल स्थित दूताबास कै हलमा आयोजित कार्यक्रममा राजदूत सिंहले कोरियामा पनि विभिन्न नेपाली संघ संस्थाहरुलाई दूताबाससंग सहकार्य गरी अघि बढ्न आवहान पनि गर्नुभयो । यो दिवस दूताबासको मात्र नभई , सम्पूर्ण नेपालीहरुको भएको र यो राष्ट्रिय कार्यक्रम भएकाले आप्mनै दूताबासमा बसेर कार्यक्रम मनाएको धारना राख्नु भयो ।

वस्तविक प्रजातन्त्र दिवस फागुन ७ गते भएपनि तीन दिनसम्म मनाउन सकिने र ७ गते पहिला नै निर्धारण गरिएको सार्वजनिक विदाको दिन परेकाले ८ गते मनाएको राजदूतले स्पष्ट पारे । साथै फागुन ६,७ र ८ गते तीन दिन मैन बत्ति र विद्युतीय दिप प्रज्वलन गरी दिवस मनाएको जानकारी पनि गराए ।

विगतमा केही वर्ष यो दिवस मनाउन बन्द गरिएता पनि यस वर्षदेखि पुन मनाउन थालिएको र नेपालबाट नै परिपत्र भए अनुसार छोटो अवधिमा यो कार्यक्रम तय गरिएको दूताबासले जानकारी गराए । कार्यक्रममा एनआरएनए पूर्व प्रतिनिधी केपी सिटौला, गंगा राई , राजु क्षेत्री र एनआरएन एसिया क्षेत्रिय महिला संयोजक जुनु गुरुइ०, एनसीसीकी अध्यक्ष अन्जु केसी र प्राध्यपक सिद्धार्थ पाण्डेको उपस्थिती रहेको थियो ।