लाफा इन्भेष्टमेन्टको सेमिनार १७ तारिक नेपाल हाउसमा
समग्र आर्थिक सम्व्रिद्धीको लागी देश विदेशमा रहेका मगरहरुको सामुहिक लगानीमा स्थापित पब्लिक लगानी कम्पनी लाफा इन्भेष्टमेन्ट लिलिटेडले कोरियाको राजधानी सौल स्थित नेपाल हाउसमा आगामी फेब्रवरी १७ तारिक दिउसो ३ बजे लगानी सम्बन्धि सेमिनार गर्ने भएको छ ।
उक्त सेमिनारमा नेपालबाट बोर्ड डाइरेक्टर अधिबक्ता रक्षा ब रैका डाइरेक्टर ज्ञानेद्र पुनमगर फाउन्डर र हङ्कङबाट समाजसेबी वसन्त श्रीनेट मगर सफल ब्यबसायी टन्क राना मगर तथा इन्जिनियर तथा ब्यबसायी जगदिश आले मगर प्रत्यक्ष अन्तर्कृया हुने भएकोले कोरियाबासीहरुमा उपस्थितिको लागी कम्पनीले अनुरोध गरेको छ ।
नेपाल, हङकङ, दक्षिण कोरिया, कतार, इजरायल, मलेसिया, बेलायत, अमेरिका, बेल्जियम, ईटाली, पर्चुगल, कुबेत, युएई, बर्मुडा र स्पेनका मगरहरु सस्थापक शेरधनी रहेको विभिन्न क्षेत्रमा लगानी गर्ने उद्देश्यका साथ स्थापना गरिएको कम्पनीले पहिलो परियोजना काठमान्डौको नार्गार्जुन नगरपालिका स्वीजरल्यान्ड पार्क नजिक १०० रोपनीको जग्गामा २०० वटा मगर घरहरु बनाई सामुहिक बसाईको सुरुवात गर्ने लक्ष्यका साथ लाफा भिलेज परियोजना सञ्चालन गरिरहेको छ ।
हाल लाफा भिलेज परियोजनाको घडेरीहरुको बुकिङ खुल्ला गर्नुका साथै कम्पनीको ४० प्रतिशत साधारण शेयर मार्च सम्म खरिद गर्न सकिने गरी सर्वसाधारणको लागी शेयर जारी गरेको छ । एक शेयर सदस्य बन्नका लागि १ लाख देखि ५ लाख रुपैया सम्मको शेयर खरिद गर्नुपर्ने कम्पनीले जनाएको छ ।
एकता नै बल हो इमान्दारिता नै धर्म हो भन्ने मूल आर्दशलाई आत्मसात गर्दै अगाडी बढेको यस कम्पनीले कतार, कुबेत र हङकङमा त्यसै गरि काठमाडौं, पोखरा, म्याग्दी, इटहरी र धरानमा अन्तरक्रिया तथा भेटघाट कार्यक्रम सम्पन्न गरिसकेको छ ।
