नेपाली सम्पर्क समिति दक्षिण कोरियाको अध्यक्षमा केसी निर्बाचित
सोल,
दक्षिण कोरियाको पुरानो संस्था मानिने नेपाली सम्पर्क समिति (एनसीसी) को अध्यक्षमा अञ्जु केसी निर्बाचित भएकी छिन् । आइतबार भएको संस्थाको १६ औ अधिबेशनले उनलाई निर्बाचित गरेको हो । केसी संस्थाको पहिलो महिला अध्यक्ष पनि हुन् ।
सउलमा सम्पन्न १६ औ अधिवेशनमा भएको निर्वाचनमा केसीले जित बहादुर गुरुङलाई पराजित गरेकी हुन् । अधिवेशनमा खसेको ७ सय ७९ मत मध्ये ४८४ मत केसीले पाएकी थिइन भने गुरुङले २८८ मत पाएका थिए । त्यस्तै बरिष्ठ उपाध्यक्षमा प्रकाश ढुंगाना (४०५मत), उपाध्यक्षमा श्री प्रसाद श्रेष्ठ (२८० मत) , महासचिवमा निर्मल कुमार बेल्वासे (२६० मत) , सचिवमा पत्रकार कृष्ण बस्याल (४१६ मत), कोषाध्यक्षमा राजकुमार स्याङताङ (४१७ मत) र सह–कोषाध्यक्षमा विष्णु प्रसाद घिमिरे (३४५ ) मत ल्याई निबार्चित भएका छन् ।
नयाँ कार्यसमितिको लागि भूषान क्षेत्रबाट उपाध्यक्ष गोपिन्द्र कुमार कठायत र सचिव नविन केसी निर्विरोध चयन भएका छन् ।
२१ जनाको उम्मेदारी परेपनि २ जनाले फिर्ता लिएको थियो । अध्यक्षदेखि सदस्यसम्म १९ जनाको उम्मेदारी शुल्क बापत ४२ लाख वन रकम संकलन भएको निर्वाचन मण्डलका सदस्य लोचन राईले जनाए ।
राजदूत अर्जुन जंगबहादुर सिंहको प्रमुख आतिथ्यमा अधिवेशनको उद्घाटन गरिएको थियो । सउलको छोगेसा गुम्बाको हलमा अधिवेशन उद्घाटन गरिएपनि राती भएकाले नेपाल हाउसमा मत गनना गरिएको थियो । स्थानिय समय अनुसार रातको २ बजे तिर मत परिणाम घोषणा गरिएको थियो । अध्यक्ष केसी र गुरुइ०को प्यानल नै बनाएर निर्वाचनमा होमिएका थिए । मतदान क्रममा केही नक्कली परिचयपत्र समेत भेटिएको थियो ।
बुटवल निवासी अञ्जु केसी एक दशक भन्दा बढी समयदेखि गैर कानुनीरुपमा कोरियामा रहदै आएकी छिन् । उनी एनसीसीका पूर्व कार्यसमितीका वरिष्ठ उपाध्यक्ष थिइन् । पहिलो कार्यसमितीमा हुदा नै उनी नेपालीहरुको हरेक गगिविधीमा सक्रिय सहभागिता जनाउदै विरामीहरुलाई अस्पतालमै पुगेर भेट्ने र दुख परेकाहरुलाई आर्थिक सहयोग गर्दै आएकी छिन् ।
कुनै समय दक्षिण कोरियामा नेपाली दुताबास स्थापना हुनु अघि एनसीसीले दुताबासको झै नेपालीलाई पीर मर्कामा सहयोग गरेको चर्चा अहिले पनि हुन्छ । साथै बिभिन्न सामाजिक कार्यमा समेत संस्थाको उल्लेखनिय योगदान रहे पनि पछिल्लो समयमा एनसीसीले कोरियामा भएका भिबिन्न संघसंस्थालाई कार्यक्रम बाँडफाँडमा मात्रै समय बिताएको धेरैको आरोप छ । यसरी कार्यक्रम बाँढ्दा पनि सन्तुलन नभएको भन्दै जनजाति महासंघ दक्षिण कोरिया लगाएतका संस्थाले एनसीसी नै नमान्ने घोषणा गरि सकेको छ ।
