धनकुटा समाजद्धारा गोरखामा पहिलो पटक राहत वितरण
फोनिज कोरिया सम्वदादाता
सोल्- नेपालका विभिन्न क्षेत्रमा बैशाख १२ र २९ गते आएको विनासकारी भुपकम्पमा परेका गोर्खाको सउरपानी गाविस वडा नं ५ मा राहत नपुगेको खबर पाएपछि धनकुटा सेवा समाज दक्षिण कोरिया द्धारा स्थलगत अनुगमन गरि पहिलो पटक रु २ लाख बराबरको राहत सामग्री चामल,दाल, चिउरा आदी वितरण गरेको छ । उक्त राहत गोरखा कै वान्चोक,तल्लो चुनेडांडा,देवकोटा गाउं माथिल्लो चुने डांडा र कोलस्वांरा गरि ११५ घरका कुल ६४० जनालाई प्रत्यक्ष हस्तान्तरण गरेका थिए ।
सो राहत सामग्री कान्तिपुर प्रकाशनका संवाददाता रमेश चन्द्र अधिकारी, नेपाल जीपिएस म्यापका सिईओ विजय देवान, समाजसेवी तथा व्यवसायी वगेन्द्र राई,देवी बहादुर राई,बिक्रम राई र विवश राईले वितरण गर्नु भएको थियो । सो राहत वितरण कार्यक्रमको संयोजन स्थानिय गायक तथा व्यवसायी आरके गुरुङ्गले गर्नु भएको थियो ।
धनकुटा सेवा समाज दक्षिण कोरियाका अध्यक्ष चन्द्र राईको नेतृत्वमा स्थापना गरिएको भुकम्प पिडित राहतकोषमा धनकुटा जिल्लावासी तथा अन्य नेपालीहरुको सहयोगमा ३५,४३००० हजार वन संकलन गरिएको थियो । बचत भएको रकम पनि धनकुटाका भुकम्प पिडितहरुलाई चाडै नै वितरण गरिने योजना रहेको संस्थाका कोषाध्यक्ष प्रदेश राईले जानकारी दिनु भएको छ ।
भुकम्पले क्षतिग्रस्त भएको सो क्षेत्रका घरहरु भत्कीए पछि स्थानियहरु अस्थायी टहरा बनाएर बसोबास गर्न बाध्य भएको अवस्थामा रहेको छ ।
