झापा मिलन समाज कोरियाको सेल्टर पाथीभारा हाउस पुनह संचालनमा
फोनिज कोरिया संवाददाता
सउल
झापा मिलन समाज कोरियाले संचालन गर्दै आएको सेल्टर पाथीभरा हाउस थप व्यवस्थित गरी आइतबारदेखी पुनह संचालनमा ल्याएको छ । छन्से पद्दती (सहमतिपत्रमा निश्चित आवधिको लागि तोकिएको एक मुष्ट रकम एकैपटक जम्मा गर्ने र छाड्ने बेला फिर्ता पाइने , मासिक बुझाउनु नपर्ने ) अनुसार प्लाइट लिएर पुनह संचालन गरिएको हो ।
सुवन शहर स्थित सो सेल्टरलाई आइतबार रिबन काटी उद्घाटन गर्नुहुदै प्रमुख अतिथी दूतावासका दितिय सचिव उद्धब न्यौपानेले यस्ता कार्यले सरकारले गर्नुपर्ने कामलाई सघाएको धारणा राख्नुभयो । पूवाञ्चल सरोकार समाज कोरियाका अध्यक्ष काजी नेपाल र एनसिसीका बरिष्ठ उपाध्यक्ष अन्जु केसीको विषेश आतिथ्य रहेको थियो ।
क्षेत्रिय संस्था झापा समाजले संचालन गरे पनि यस सेल्टरमा सबै नेपालीको लागि सेवा उपलब्ध हुदै आएको अध्यक्ष सन्तोष श्रेष्ठले जानकारी गराउनुभयो । हालसम्म कोरियामा संचालित विभिन्न संघ संस्थाका सेल्टरहरुमध्ये छन्से पद्दती अनुसार संचालित पाथिभरा हाउस पहिलो भएको झापा समाजको दावी छ ।
कोरियन पर्व गत छुसकमा सम्पन्न गरेको कन्काई सांगीतिक सौगात कार्यक्रमबाट प्राप्त रकमले सेल्टरलाई थप व्यवस्थीत पारिएको समाजले जनाएको छ । छुसकमा गरिएका धेरै सांस्कृतीक कार्यक्रमहरुमध्ये झापा समाजले मात्रै आर्थिक विवरण मिडियामा सार्वजनिक गरी आर्थिक पारदरशिताको उदाहरणीय संस्था बन्न पुगेको छ ।
