सरकार ! फिक्स प्राइस कायम गर
गतबर्ष बिशालबजारमा रु ५५०० भनेको जुत्ता रु २२०० मा किनियो । बजार बुझेको र बार्गेनिङ गर्न सिपालु साथी भएकाले ठगिन बाट बचें जस्तो लाग्यो र आफुलाई भाग्यमानी नै ठानें । ब्यापारीलाई कति नाफा भयो होला उ आफै जानोस् । नेपालको पुरानो अनि चर्चित ब्यस्त ब्यापरिक केन्द्रमा त यति धेरै बार्गेनिङ हुन्छ भने अन्य खुला ठाउको त कुरै नगरौ ।
धेरैलाई अचम्म लाग्नसक्छ बार्गेनिङ गरेकै भरमा कति धेरै डिस्काउण्ट दिन्छ भनेर , गाउघरतिरबाट आउने, बार्गेनिङ गर्न नजान्ने सोझासाझा वा बिदेशिहरु त सिधै फस्छन् नेपालमा ब्यापारीले ग्राहकको अनुहार हेरेर मनपरि सामानको मोलभाउ गर्छन् ।दुइटा ग्राहकले एकैथरिको सामान किन्दा नि एकैछिनमा आकास पातालको अन्तर पार्छन् । लाग्छ सामान लिलामिमा बेचिदै छ जस्तो । जे पनि सपिङ गर्नु अगाडि कति घटाउने भनेर म जस्तै धेरैको मन पिरोलिएको हुन सक्छ ।
आधा भन्दा धेरै घटाउ भने अति घटायो भन्ने हो कि , अलिकती घटाउ भने ठगियो भनेर दिनभरी पछुतो हुन पर्ने हो कि ११ यो दशैमा धेरैले पक्कै भोग्नु भयो होला । वाक्क ,दिक्क लाग्छ नेपालको अव्यवस्थित र मनपरी बजार देखेर १ ब्यापारीले सेवा गरे बापत शुल्क लिनु स्वाभाविक हो तर मान्छेपिच्चै निमेषभरमै थरीथरीका मुल्यको कारण सेवा होइन जाल थापेर लुट्न बसेको जस्तो लाग्छ। बार्गेनिङ गर्न जान्नेहरु केही कम ठगिएलान् नत्र अरु त चुर्लुम्मै हुन्छन् ।
बिदेशमा नुनदेखी सुनसम्म हरेक सामानमा फिक्स प्राइसको ट्याग लगाएर देखिनेगरी राखिएको हुन्छ ।एउटा गेडो आलु वा एक बोरा प्याज , बेच्न राखेको हरेक सामानमा फिक्स प्राइसको ट्याग झुण्ड्याएको हुन्छ ।हरेक ग्राहकले आफ्नो हैसियत अनुसार सजिलै मन लागेको सामान छानिछानी किन्न सक्छन् ।एकपटक नेपाल जस्तै यता नि बार्गेनिङ गर्नखोज्दा न त सामानको मुल्य नै घटायो उल्टै प्याच्च भनाइ खानु पर्यो त्यसदिन देखि घटाउनेको त नामै लिन छोडेँ ।
नेपालमा मनपरि मुल्यको कारण किन्न छानिएको सामानमा बार्गेनिङ नमिलेर धेरैले सामान नै नकिनी हिड्ने पनि गर्छन यसले ग्राहक व्यापारी दुबैको समय त्यतिकै खेर गएको हुन्छ ।कमजोर आर्थिक अबस्था हुनेले त मुल्य सोध्न र बार्गेनिङ गर्नै हिचकिचाई पसलमा पस्नै डराउछन् ।सरकारले ब्यापारीको मनोमानी ,अनिमियता र चर्को मूल्यवृद्धि रोक्न ब्यापारीले सेवा गरेबापत निश्चित फाइदा छुट्टाई नुनदेखी सुनसम्मको हरेक सामानमा फिक्स प्राइस कायम गरि अनिवार्य रुपमा तत्काल लागू गर्नपर्दछ।
बार्गेनिङ गर्न नजान्ने,सिधासाधा , गरिब जनतालाई झन गरिब बनाएर मार्न पाइदैन् ।हरेक सामानमा सुको नघटाई वा सुको नबढाई यो बार्गेनिङ शब्द सदासदाको लागि अन्त्य गर्नुपर्दछ ।इच्छा शक्ति भए र सरकारले चाहे असम्भव अलिकती छैन केही समय लाग्ला यो संस्कार बसाल्न नितान्त आवश्यक भइ सक्यो सधै ल्याङ्ल्याङ गर्दै जनतालाई दुख दिन पाइदैन् । यदि ब्यापारी मान्दैनन् भने खोरमा लगेर थुन्ने र फिक्स प्राइसको ट्याग नभएको सामान सबै जफत गर्नुपर्दछ । त्यति नि गर्न नसके सरकार आफैले आफैलाई नामर्द घोषणा गर् ।
दक्षिण कोरिया
