यस्तो होस र पो दसै
कविता
नवदुर्गा भगवानले रक्षा गरून,
मन प्रर्फुल्ल रहोस सधै
जौ को जमरा शिरमा,
जौ को जमरा शिरमा,
निधारभरी टिका होस र पो दसै ।
हजुर बुबा देखि हजुर मुवा सम्मको
मान्यजनबाट टिका र जमरा थापी
नाताका सानालाई लगाई दिई
आशीर्वाद दिन र लिन पाईयोस र पो दसै ।
टिका,जमरा र नयाँ बस्त्रमा सजिएर चट्ट
कोटघर गई नौमती बाजामा ढाल तरवारमा
ताल मा ताल नाँच देखाउन पाईयोस र पो दसै ।
आ-आफ्नो सस्कार रितिरिवाज
संरक्षणमा लागौ भन्दै
दौडेँ मादलको तालमा मालश्रीको
भाका घन्क्याउन पाईयोस र पो दसै।
परिवार एक आपसमा सुख शान्ति
सु-स्वास्थ्य दिर्घायुको संगै बसेर
शुभकामना आदान-प्रदान गर्न पाईयोस र पो दसै ।
……तर बिडम्बना यै छ , हाम्रो समाजमा
टाउके महाशय ज्युहरू को मोज मस्तीमा दसै,
लगभग ६० लाख युवा मुग्लानमा सोच्दैछन
आखिर के हो दसै ? ? ?
क्यारौ त नि परदेशमा चाही तन्न बिदा होस,
महिनौ पिच्छे तलब बढोस साथमा सबै सबै
साथी भाई संग घुम्दै रमाउदै नेपाली
परिकारको स्वाद लिन पाईयोस र पो दसै।।
रजवारा – १ प्युठान
हाल :- द.कोरिया
