कोरियामा ‘प्रथम डेउ नेपाली भलिबल कप’ को उपाधि नेपाल मगर समाजलाई

दक्षिण कोरियाको गजे (Geoje) क्षेत्रमा अबस्थित विश्वकै दोस्रो ठुलो पानी जहाज कम्पनी (DSME ) DAEWOO SHIPBUILDING & MARINE ENGINEERING CO.LTD.मा कार्यरत लगभग ७५०  जना नेपालीको नव गठित साझा सङ्गठन ‘डेउ नेपाली एकता समाज’ ले “हाम्रो चाहाना प्रवासी  एकता र  आपसी सदभावको कामना ” भन्ने मूल नाराका साथ आयोजना गरेको प्रथम डेउ नेपाली पुरूष भलिबल कप प्रतियोगिता भव्य र सब्यरूपमा आईतबार सम्पन्न भएको छ । आईतबारको बिदा पारी आयोजना गरिएको एक दिने मैत्रिपूर्ण प्रतियोगितामा कोरियामा रहेका नेपालीको बिभिन्न संघ सस्था र इन्डोनेसियाको १  टिम गरी जम्मा  ९  टिमको सहभागिता रहेको थियो ।खेल कम्पनीको नजिकै रहेको ओग्फोको जुड़्हाक्यो गजेसीको भलिबल कवर्ड हलमा भएको थियो । कार्यक्रममा उत्कृष्ट प्रर्दशन गर्दै  नेपाल मगर समाज बुसान ले प्रथम स्थान हासिल गर्दै नगद कोरियन वन १०,०००००/-( दश लाख वन )धन राशि र सिल्ड प्रमाण पत्र  पुरस्कार हात पारेको छ भने उप विजेतामा निकै प्रतिस्पर्धा गर्दै आयोजक डेउ नेपाली एकता समाज ‘A’ टिमले नगद कोरियन वन ७००००० /- (सात लाख वन) र प्रमाण पत्र पुरस्कार पाएको छ ।

कार्यक्रम  निर्धारित समय भन्दा लगभग  २ घण्टा ढिलो गरि बिहानको एघार बजे सुरू गरिएको थियो भने साझ  ६ बजे समापन गरिएको थियो । कार्यक्रममा यस क्षेत्रमा कार्यरत युवाहरूको बाक्लो उपस्थिति थियो ।यस कम्पनीमा कार्यरत युवाहरूको संख्या धेरै भएपनि नेपालको विभिन्न विपत्तिहरूमा र रोग, दुर्घटनामा परेर समस्या परेकालाई आर्थिक रकम संकलन गरी सहयोग गरिरहेपनि यसरी एक आपसमा रमाउने गरी भेला भएर गरिने कार्यक्रम यस क्षेत्रमै नेपालीहरूले गरेको यो पहिलो र बृहत खेलकुद कार्यक्रम रहेको युवाहरूले बताए । कार्यक्रम स्थलमा नेपाली खाना नास्ताको लागी लुम्बिनी रेष्टुरेन्ट एण्ड बारले आफ्नो स्टलको सहभागी गराई नेपाली खानाको परिकारहरू उपलब्ध गराएको थियो । नेपाली परिकार  खादै भलिबलमा भरपुर मनोरञ्जन लिईरहेका थिए सहभागीहरू ।