कोरियाको बबल गम स्टुडियोमा पहिलो पटक राष्ट्रिय कलाकार मेलिना
ऐश्वर्य श्रेष्ठ,सोल-दक्षिण कोरियाको राजधानी सोल नजिकैं धनाढय बसोबास गर्ने क्षेत्रको रुपमा प्रख्यात ठांउ हो खांगनाम ।कोरियन गायक साईले गाएको विश्व चर्चित गीत खांगनाम स्टाईल सोही ठांउलाई प्रतिनिधित्व गर्दछ ।
कोरियाका कलाकारहरु बसोबास गर्ने ठांउको रुपमा परिचित रहेको खांगनाममा सेप्टेम्बर १६ मा अहिलेको चर्चित नेपाली गायिका मेलिना राई देखा परिन् । कोरियामा निक्कैं व्यस्त र चर्चा बटुल्न सफल रहेका संगीतकार डि अटुको साथमा उनी बबल गम स्टुडियोमा थिईन् ।
गीत रेकर्डिंगको क्रममा भेटिएकी गायिका राई डि बि गुरुंगको शब्द ‘ए मैंले मन पराको मान्छे’ बोलको गीत रेर्कड गर्दै थिईन् । कोरियाको चुसक अर्थात (थ्यांक्स गिभिंग डे)को अवसर पारेर बागलुंग समपर्क समितिले सेप्टेम्बर १५ मा आयोजना गरेको धौंलागिरी सांगीतिक सौंगातमा आफनो प्रस्तुति दिन उनी कोरिया आएकी हुन् ।चिसोको कारण केही रुघाग्रस्त हुंदाहुदैं पनि गीत रेर्कडमा व्यस्त थिईन् ।
रेकर्डिंगपछि गीतको बारेमा छोटो प्रतिक्रिया दिदैं उनले भनिन्, ‘डि आर अटुको संगीतमा यो गीत एकदमैं राम्रो र फास्ट बिटमा रहेकोले दर्शकलाई नचाउन सजिलो हुनेछ । नेपाल र कोरियाका स्टुडियोमा त्यस्तो फरक केही नभएता पनि विदेशमा मेरो गीत रर्कड भएको यो नैं पहिलो हो।’ उनले थपिन ‘रुघाले अलि गाह्रो भो तरपनि गीत राम्रो बनेको छ ।’
नेपाली सांगीतिक आकासमा व्यस्त र सुन्दरी गायिकाको छवि बनाएकी मेलिनाले कोरियापछि हंगकंगको कार्यक्रम सकेर यतिबेला नेपाल फर्किसकेकी छिन् ।आफनो दोस्रो एल्बम ‘मेलिना ‘ चांडैं नैं बजारमा ल्याउने तयारीमा रहेको समेत उनले बताईन् । दोस्रो पटक कोरिया आएकी मेलिनाले अर्का चोटी फेरी यस्तो गीत रेर्कड गर्ने अवसर पाएमा पुर्व तयारीको साथमा आउने बाचा समेत गरिन् ।
सो गीतको संगीत संयोजन धनु ग्यागंमीले गरेका हुन् ।कोरियामा राष्ट्रिय कलाकारको आवाजमा रेर्कड भएको यो गीत पहिलो रहेको समेत संगीतकार अटुले दाबी गरे ।’अन्य गीतहरु भन्दा फरक संगीत गर्ने कोशिस गरेको छु । डान्सिंग नम्बर गीतको रुपमा यो गीतले मलाई चिनाउनेमा आफु ढुक्क छु ।’ उनले भने ।
