कोरियामा रहेका दुई सर्जकको म्यूजिक भिडियो सार्वजनिक
फोनिज कोरिया संवाददाता
सउल
दक्षिण कोरियाको ब्यस्त समयमा पनि बचेको समयलाई सदुपयोग गर्दै गायक बिकास बिक र गीतकार नगेन्द्र थापा मगरले पहिलो आधुनिक तथा पप गीतको एल्बम ” थाहै नपाई ” बजारमा ल्याएको लामो समय पछि ” हिमचुलीमा ” बोलको गीतको भिडियो कान्तिपुर गोल्ड टेलिभिजन मार्फत केही दिन अघि सार्वजनिक गरिएको छ ।
नव उदयमान पोखरेली गायक बिकास बिकको स्वर र संगीत रहेको उक्त एल्बममा स्वयम गायकले पनि गीत लेखेका छन, भने खोटाड़्गे चेली मिना राईको पनि गीत समेटिएको छ । जम्मा ८ ओटा गीत रहेको उक्त एल्बममा बाकी ५ ओटा सबै गीतकार नगेन्द्र थापा मगरको रहेको छ । एउटा गीत गायिका मेचु धिमालले पनि स्वर दिएकी छिन ।
बिनोद श्रेष्ठको कुशल निर्देशनमा बनेको उक्त भिडियोमा रणधिर श्रेष्ठ र बिनोद श्रेष्ठले छायाड़्कन गरेका छन् । साईमन शिवाकोटी र सुस्मिता पुन मगरको कुशल अभिनयमा बनेको भिडियोलाई सुन्दर नगरी पोखरामा छायाड़्कन गरिएको हो ।सम्पादन स्वयम निर्देशक बिनोद श्रेष्ठले नै गरेका हुन । मोहित मुनालले संगीत संयोजन गर्नु भएको यस भिडियोलाई सुगम थापा मगरले रेकर्डिड़्गमा सहयोग गर्नु भएको छ ।
सड़्ग्स नेपाल च्यानलबाट यु ट्युबमा सार्बजनिक गरिएको उक्त भिडियो, अडियो सिडी भाईबस कृयसनबाट निकालिएको हो । ड्रिम्स स्टार प्रोडक्सनले बजारमा ल्याएको यस भिडियोमा, अहिलेका युवा पिढीहरुको प्रेम प्रसंगलाई देखाईएको छ ।
बाग्लुड़्ग सम्पर्क समिति दक्षिण कोरियाको आयोजनामा बिमोचन गरिएको एल्बम ” थाहै नपाई ” का बाकी भिडियोहरु पनि छिट्टै बजारमा ल्याउने तयारी रहेको जानकारी सर्जक द्वय गीतकार नगेन्द्र थापा मगर र गायक बिकास बिकले दिएका छन् ।
