नेपथ्य ब्याण्ड सांगीतिक धुम मच्चाउन कोरिया आउँदै
सउल, नेपालको चर्चित लोक रक सांगीतिक ब्याण्ड नेपथ्य कोरियामा सांगीतिक धूम मच्चाउन आउने भएको छ । नेपाल तमाङ् संघ दक्षिण कोरियाको आयोजनामा हुन् गईरहेको बृहत सांगीतिक कार्यक्रम “नेपथ्य लाईभ कन्सर्ट” “को मेन्दो डाङ” यहि सेप्टेम्बर १५ (छुसकको दोस्रो दिन) मा सोल स्थित “केबिएस एरिना” हलमा हुने नेपाल तमाङ् संघ दक्षिण कोरियाले जनाएको छ ।
बिश्व प्रसिद्ध कोरियन गायक साइको गाङ्गनाम स्टाईल,चर्चित के पप “गर्ल्स जेनेरेसन” र सिस्टर बिग ब्यांग लगाएत अन्य बिभिन्न चर्चित कलाकार र ब्याण्डले लाईभ प्रस्तुति दिईसकेको सो केबिएस एरिना हल अत्याधुनिक सुबिधा सम्पन्न हल भएको तामाङ संघले जनाएको छ । उक्त हलमा बिश्व स्तरीय साउण्ड सिस्टम, लाईटिंग र फुल्ली एअर कन्डिसनको सुबिधा समेत रहेको जनाएको छ ।
अत्याधुनिक सुबिधा सम्पन्न हलमा लाईभ हेरेर तालको पानी, छेक्यो छेक्यो देउराली डाँडा , जिबन हो घाम छायाँ , रेशम र अहिलेको नयाँ गीत “कोशीको पानि” जस्ता लोकप्रिय गीत संगीतमा झुम्न र नाच्न भरपुर मनोरंजन लिन सम्पूर्ण कोरियामा रहेका नेपाली जनसमुदायलाई तामाङ्ग संघ दक्षिण कोरियाले अनुरोध गरेको छ । अमेरिका पछि नेपथ्य आफ्नो सांगीतिक प्रस्तुति दिदै युरोप भ्रमणमा लागेको थियो । भर्खरै मात्र जर्मनीको ह्याम्बर्ग र दोस्रो तथा अन्तिम प्रस्तुति कोपेनहेगनमा सम्पन्न गरेको छ ।
