उत्तर कोरियाद्धारा ३ वटा ब्यालेस्टिक मिसाईल परीक्षण,दक्षिणद्धारा निन्दा

सोल– उत्तर कोरियाले ३ वटा ब्यालेस्टिक मिसाईल परिक्षण गरेको छ ।मङ्गलबार बिहानै तीन वटा क्षेप्यास्त्र परीक्षण गरेको जनाईएको छ ।ती मध्ये दुई वटा क्षेप्यास्त्र कम्तीमा पनि ५०० देखि ६०० किलोमीटरसम्म मारहान्ने शक्तिका रहेका थिए । बिहान ५: ४५ र ६:४० बजे ती क्षेप्यास्त्र उत्तर कोरियाको रक्षा मन्त्रालयका विज्ञहरुले हानेका जनाइएको छ ।

त्यस्तै अर्को एउटा क्षेप्यास्त्रका बारेमा भने केही पनि बताइएको छैन । त्यस विषयमा अनुसन्धान जारी रहेको दक्षिण कोरियाले जनाएको छ । दक्षिण कोरियाको रक्षामन्त्रालयका एकजना अधिकारीले सोमबार मात्र सो परीक्षणका लागि उसले केही दिनयतादेखि गोप्य तवरबाट तयारी गरिरहेको जानकारी दिएका थिए ।

दक्षिण कोरियाली एकीकरण मन्त्रालयद्वारा सोमबार सोलमा आयोजित पत्रकार सम्मेलनमा सो मन्त्रालयका प्रवक्ता जियोन जुङ हीले उत्तरले अर्का क्षेप्यास्त्र परीक्षण गर्न लागेको थाहा भएको जानकारी दिए ।

उक्त परीक्षणपछि दक्षिण कोरियाले मङ्गलबार गरेको पत्रकार सम्मेलनका क्रममा रक्षा मन्त्रालयका एकजना अधिकारीले सो घटनाको विरोध र निन्दा पनि गरे । उनले उत्तर कोरियाले जारी राखेका यी क्षेप्यास्त्र परीक्षणका अभियानहरु अरु केही नभएर दक्षिण कोरियाको राष्ट्रिय सुरक्षालाई धम्की दिनका लागि गरिएको बताए ।
गत शुक्रबार मात्र दक्षिण कोरियाले मिसाइल प्रतिरक्षात्मक प्रणाली Terminal High Altitude Area Defense (THAAD) सउलबाट २ सय ९६ किलोमिटर दक्षिण तर्फ साइ०जु गुनमा मिसाइल प्रतिरक्षात्मक प्रणालीको व्यट्री हिजो जडान गरेको छ ।
दक्षिण कोरिया र अमेरिकी सरकारले गत हप्ता मिसाइल प्रतिरक्षात्मक प्रणाली कोरियामा जडान गर्ने निणर्य गरेको थियो ।