भरत सुवेदीको शब्द अनि मेलिना राईको स्वर रहेको अभिनय बजारमा
भरत सुबेदीको
सउल , कोरिया
मेलिना राई……पछिल्लो समयमा नेपाली गित संगीत क्षेत्रमा एकदमै लोकप्रिय अनि चर्चित नाम हो।सुमधुर स्वरकी धनि राईको फ्यान नहुने सायद कमै होलान् नेपालमा। छोटाे समयमै निक्कै लोकप्रियता हासिल गरिसकेकी यी गायिकाले थुप्रै नेपाली गित अनि गजलहरुमा आफ्नो स्वर दिइसकेकि छिन् । यसैक्रममा मेलिना राईको सुमधुर स्वरमा सजिएको अर्को मर्मस्पर्शी गित बजारमा आएको छ।
दक्षिण कोरियामा कार्यरत भरत सुवेदीको शब्द ,नेपालका चर्चित संगीतकार ,श्रीकृष्ण बम मल्लको संगीत अनि उनै मेलिना राईको स्वर रहेको गितको म्युजिक भिडियो हिजो मात्रै सार्बजनिक भएको छ।सिडीयम म्युजिक क्रियसनको प्रस्तुतिमा रङ्गा फिल्मको ब्यानरमा निर्माण गरिएको यो गितको म्युजिक भिडीयो दक्षिण कोरियाको विभिन्न सहर अनि रमणिय पार्कहरुमा खिचिएको हो। भिडीयोमा कोरियामै कार्यरत,दिपल सारु,चाँदनी घले र सुयना सत्त्यालको दमदार अभिनय रहेको छ भने कोरियामा पछिल्लो समयमा आफ्नो क्यामेराको जादु देखाइरहनु भएका नरेन श्रेष्ठको छायांकन रहेको छ, साथै यो भिडीयोको निर्देशन एवम् सम्पादन निक्कै प्रतिभाशाली रमेश जङ थापाले गर्नु भएको छ।
पछिल्लो समयमा कोरियामा थुप्रै म्युजिक भिडीयोको निर्माण भएका छन् तर पनि गुणस्तरिय म्युजिक भिडीयोको निर्माण हुन सकिरहेको थिएन। प्रबासमा बसेर पनि नेपाली गित संगीतलाई एउटा योगदान दिने किसिमले संम्भब भएसम्म उत्कृष्ट काम गरिएको छ ।बिदेशमै रहेर पनि नेपालको जस्तै उत्कृष्ट म्युजिक भिडीयो बनाउन सकिन्छ भन्ने कुराको गतिलो उदाहरण हो,भरत सुबेदीको यो गित।
