फेन्थेकका नेपालीहरुद्वारा संकलित भूकम्प राहत रकम सार्बजनिक

फोनिज कोरिया संवाददाता सोल-कोरियामा रोजगार तथा बिभिन्न पेसामा रहेका नेपालीहरु मिलेर नेपालमा यहि बैसाख १२ गते गएको विनासकारी महा भूकम्पका पिडितलाई राहत सहयोग गर्ने क्रम चलिरहेको छ l यसै क्रममा फेरी बैसाख २९ गते नेपालमा बिभिन्न भागमा गएको भुकम्पले धेरै धनजनको क्षति पुर्याइरहेको छ l
कोरियाको फेन्थेक माईग्रेन्ट सेन्टर- नेपाली समितीले पनि गत बैसाख १३ गतेदेखि नै नेपालको भूकम्प पिडितहरुलाई सहयोग पुर्याउने उदेश्यले कोरियामा राहत संकलन गरी हालसम्म जम्मा गरेको रकम ४८,७६,००० कोरीयन वन (नेपाली रुपैया – ४ लाख ५२ हजार २ सय चौतिस ) नेपाल सरकारको रास्ट्रीय दैबी प्रकोप तथा उद्धार कोषमा जम्मा गर्ने निर्णय गरि नेपाल पठाइसकेको छ l

हालै गएको महा भूकम्प पिडित राहतस्वरूप प्रधानमन्त्री दैवी प्रकोप उध्दार कोष नेपाल सरकारले विशुद्ध राहत,उध्दारका लागी स्थापना गरेको र सो कोषको प्रयोग दैवी प्रकोपवाट प्रभावितहरुको उध्दार,राहत, पुनर्सथापनाका साथै दैवी प्रकोप एवं विपत्तीवाट क्षतिग्रस्त संरचनाहरुलाई पुरानै स्वरुपमा फर्काउने कार्यका लागी प्रयोग गरिने गरिन्छ । नेपाल सरकार एवं राष्ट्रिय तथा अन्तराष्ट्रीय श्रोतहरुवाट राहतका लागी प्राप्त हुने रकम नितान्त दैवी प्रकोपवाट प्रभावितहरुलाई राहत प्रदान गर्ने कार्यका लागी मात्र उक्त कोषमा जम्मा गरिने हुनाले सोहि बिषयलाई मध्यनजर गर्दै नेपाल सरकारको खातामा संकलित रकम पठाउने निर्णय गरीएको समितिका बरिस्ठ उपाध्यक्ष भक्त थापाले बताएका छन् l

नेपालमा महा बिपत्तिमा परेका पिडित नेपालीहरुलाई सहयोगार्थ खुला हृदयले आर्थिक सहयोग गर्नुहुने सम्पूर्ण नेपालीहरुलाई फेन्तेक नेपाली समितिले हार्दिक आभार ब्यक्त गर्दै यस चरणको आर्थिक संकलन अभियान अन्त गरीएको जानाकारी गरेको छ l साथै यसरी आगामी दिनमा पनि हरेक नेपालीको दुखमा एक ढिक्का भएर सबैसग हातेमालो गर्दै सहयोगमा जुट्ने र जुटाउने पनि अठोट लिएको छ l
फेन्थेक माईग्रेन्ट सेन्टर- नेपाली सहयोग समिती,कोरियाले नेपालको महा-भूकम्प पिडितलाई सहयोगार्थ चलाएको आर्थिक सहयोग संकलन अभियानमा सहयोग गर्ने सहयोगदाता हरूको नामावली विवरण आफ्नै आधिकारिक फेसबुक पेज फेन्थेक प्रबाशी मजदुर सहयोग केन्द्र नेपाली समितिमा प्रकाशित गरेको पनि जनाएको छ।