नेपाली काँग्रेसका युवा नेताहरु कोरिया आइपुगे
नेपाली कांग्रेसका युवा नेताहरु शनिबार कोरिया आइपुगेका छन् । मे ६ तारिख आइतबार नेपाली कांग्रेसको भातृ संगठन नेपाली जनसम्पर्क समिति दक्षिण कोरियाको केन्द्रीय महाधिवेशनलाई सम्बोधन गर्न नेपालबाट पाँच जना युवा नेताहरु कोरिया आएका हुन ।
नेपालबाट दक्षिण कोरियाको सउल केन्द्रीय महाधिवेशनलाई सम्बोधन गर्न आएका नेपाली कांग्रेसका केन्द्रीय सदस्य तथा पूर्व मन्त्री गगन थापा ,केन्द्रीय सदस्य तथा नेपाल तरुण दलका पूर्व अध्यक्ष र पूर्व मन्त्री महेन्द्र यादव , केन्द्रीय सदस्य तथा पूर्व नेविसंघ अध्यक्ष गोविन्द भट्टराई, नेता खगेन्द्र अधिकारी र नेता पेमा सिद्दी लामालाई नेपाली जनसम्पर्क समिति दक्षिण कोरियाका पदाधिकारीहरुले ईन्छन एयरपोर्टमा स्वागत गरेका थिए ।
कोरियाको राजधानी सउलको तोङदेमुन स्थित हिस्ट्री एण्ड कल्चर पार्कमा रहेको कुकमिन ह्वेगानमा भोली हुन गई रहेको नेपाली कांग्रेसको भातृ संगठन नेपाली जनसम्पर्क समिति दक्षिण कोरियाको महाअधिवेशनमा अध्यक्ष पदको उम्मेदवारीका लागि आस्थाविन्दु मल्ल र भजिन्द्र क्षेत्री रहेका छन । उपाध्यक्ष तर्फ भीमराज चेम्जोङले उमेददारी दिने घोषणा गरेका छन भने अन्य व्यक्तिहरुमा लक्ष्मण दाहाल, जितेन्द्र सिंह महता, यज्ञराज जोशी सहित छ जनाले उम्मेद्वारी घोषणा गरेका छन् भने सह महामन्त्रीमा मित्रबन्दु काफ्लेले उम्मेद्वारी घोषणा गरेका छन् ।
