मिल्ती आयोजनामा ४ करोड रुपैयाँ जम्मा

फोनिज कोरिया संवाददाता

सोल- सानो मिल्ती खोला जलबिद्युत आयोजनाको शेयर आवेदकले आइतबार अपरान्हसम्ममा ४ करोड १० लाख रुपैयाँ जम्मा गरेका छन् | शेयर आवेदनकर्ताले पहिलो किस्ता स्वरूप सो रकम कम्पनीको बैंक खातामा जम्मा गरेका हुन् | पहिलो किस्ता बुझाउने समय मे १५ सम्म कम्पनीले तोकेको छ |पहिलो किस्ता बुझाउने समय ४ मात्र बाँकि रहेकाले आवेदकहरुले दैनिक औसत ८० लाख रुपैयाँ जम्मा भैरहेको एक कर्मचारीले बताए |

त्यस्तै दोश्रो किस्ता जुन १५ सम्ममा बुझाइ सक्नुपर्ने समय सीमा तोकेको छ |

सानो मिल्ती खोला जल बिद्युत आयोजनामा लगानी गर्ने उद्धेश्यले स्थापना भएको सानो मिल्ती (एसएम ) इन्भेस्टमेन्ट कम्पनीले कोरियामा रहेका नेपालीहरुलाई लक्षित गरेर अघिल्लो महिनामा आवेदन संकलन गरेको थियो | तीन हप्ताको अवधिमा कोरियाको बिभिन्न स्थानबाट २० करोड ५० लाखको आवेदन संकलन गरेको थियो |

भूकम्पको प्रभाव छैन

गत बैशाख १२ गते आएको भूकम्पले आयोजनालाई प्रभाव नपारेको कम्पनीको प्राबिधिक टोलिले जनाएको छ | यसै हप्ता स्थल गत भ्रमण गरेको प्राबिधिक टोलीले पानीको बहाब र मुहानमा कुनै समस्या नभएको जनाएको हो | भूकम्पका कारण शेयर आवेदकले चिन्ता व्यक्त गरे पछि कम्पनीले मुहानको परीक्षण गरेको थियो | त्यस्तै कम्पनीले मनसुन अगावै आयोजना स्थलसम्म पुग्ने बाटो निर्माण गर्ने योजना बनाएको छ |