एनआरएनए कोरियाको संरक्षकमा डा. प्रकाश धमला र लक्ष्मी गुरुङ चयन
गैरआवासीय नेपाली संघ, राष्ट्रिय समन्वय परिषद् दक्षिण कोरियाले संरक्षक, वरिष्ठ सल्लाहकार, सल्लाहकार तथा कार्यसमितिका रिक्त पदहरूमा पदपूर्ति गरेको छ। बिपिन गुरुङ नेतृत्वको एन आर एन एले आज बसेको समितीको पूर्ण बैठकले उक्त निर्णय गरेको हो।
संघको विधान धारा १३ उपधारा ७ अनुसार संरक्षक , उपधारा ६ बमोजिम वरिष्ठ सल्लाहकार र सल्लाहकार र धारा १८ को उपधारा २:३ बमोजिम संघको महिला उपाध्यक्ष र सदस्य पदपुर्ति गरिएको हो ।
संरक्षकमा डा• प्रकाश धमाला र लक्ष्मी लामा गुरुङ, वरिष्ठ सल्लाहकारमा जीवन खतिवडा , गिरिराज कुवंर , डा•अग्नि राज कोइराला र सल्लाहकारमा गम्भिर श्रेष्ठ नियुक्ति भएका छन्।
कार्यसमितिको रिक्त पदहरूमा महिला उपाध्यक्षमा हेमलता शर्मा र सदस्यमा ओम प्रकाश पुन नियुक्ति गरिएको छ।
संघले प्रत्येक व्यक्तिको समाज, समुदाय र एनआरएनए अभियानप्रति पुर्याएको योगदान र सक्रियतालाई नजिकबाट मूल्याङ्कन गर्दै नियुक्ति गरेको अध्यक्ष बिपिन गुरुङले जानकारी दिएका छन्। नयाँ नियुक्तिहरूको अनुभव, दृष्टिकोण र मार्गदर्शनले संघको कार्यसञ्चालन अझ प्रभावकारी, पारदर्शी, उत्तरदायी र सशक्त बनाउने विश्वास गरिएको छ।
महासचिव अजय सोडारी का अनुसार, “हाम्रो संघले विगतमा योगदान पुर्याएका सबै व्यक्तिहरूको सक्रियता र नेतृत्व क्षमतालाई उच्च सम्मानका साथ मूल्याङ्कन गरी गरिमामय पदमा नियुक्ति गरेको हो। नयाँ नियुक्तिहरूले संघलाई आगामी कार्यकालमा नयाँ उचाइमा पुर्याउनेछन्।”
नयाँ नियुक्त पदाधिकारीहरूले आगामी कार्यकालमा संघका दीर्घकालीन योजना र कार्यक्रमहरू प्रभावकारी ढंगले कार्यान्वयन गर्दै गैरआवासीय नेपाली समुदायको हितमा योगदान पुर्याउने अपेक्षा गरिएको छ।
