अक्टोबर ७ मा ‘टाशिडेलेक नाइट’
सोल, दक्षिण कोरिया – नेपाली प्रवासी समुदायको सक्रिय संस्था गोलोव गाईजले आफ्नो दशौंवार्षिकोत्सवको अवसरमा टाशिडेलेक नाइट डान्स पार्टी २०२५’ आयोजना गर्ने भएको छ । आगामी अक्टोबर ७ मा आयोजना गर्न लागेको ‘टाशिडेलेक नाइटको आधिकारिक पोस्टर आइतवार सार्वजनिक गरेका हुन । यो कार्यक्रम कोरियाको चाड छुसकको अवसरमा प्रवासीमजदुर र विद्यार्थीहरूका लागि ‘आपतकालीन सहयोग कोष’ स्थापना गर्ने उद्देश्यले आयोजनागरिएको आयोजकले बताएको छ ।
पोस्टर सार्वजनिक कार्यक्रम राजधानी सोलस्थित दोङदेमुनको निक नेपाल ट्राभल हलमा सम्पन्नभएको हो । कार्यक्रमको सहजीकरण संखुवासभा सम्पर्क परिवारले गरेको हो भने पूर्वी नेपालसमाज दक्षिण कोरियासँग आबद्ध २ वटा जातीय संस्था र १४ वटा जिल्लाका प्रतिनिधिहरूकोउपस्थिति रहेका थिए ।
कार्यक्रमका प्रमुख अतिथि पूर्वी नेपाल समाज दक्षिण कोरियाका अध्यक्ष केदार निरौला रहेकाथिए । सभाको अध्यक्षता संस्थाका वरिष्ठ सल्लाहकार निमा थिकेपाले गरेका थिए भने सचिवपेक्मा थिकेपाले कार्यक्रम सञ्चालन गरेका थिए ।
संस्थाका वर्तमान अध्यक्ष मिक्मा रिदार लामाले संस्थाको पृष्ठभूमि र गतिविधिबारे जानकारी दिँदैसन् २०१५ मा स्थापना भएदेखि हालसम्म शिक्षा, स्वास्थ्य र खेलकुद क्षेत्रमा कुल रु. २६ लाख ७हजार ७ सय ११ रूपैयाँ बराबरको सामाजिक सेवा गरेको बताए । उनले ‘टाशिडेलेक नाइट’ कार्यक्रमको उद्देश्य र महत्त्वबारे पनि स्पष्ट पारेका थिए ।
प्रमुख अतिथि केदार निरौलाले गोलोव गाईजले गरेका सामाजिक कार्यहरूको प्रशंसा गर्दैसंस्थालाई नजिकबाट चिन्न पाएकोमा खुसी व्यक्त गरेका थिए । उनले आगामी दिनहरूमासंस्थाका सामाजिक क्रियाकलापहरूमा सकेसम्म सहयोग गर्ने प्रतिबद्धता जनाएका छन्।
कार्यक्रमको अन्त्यमा अध्यक्ष निमा थिकेपाले उपस्थित सबैलाई धन्यवाद दिँदै यो कार्यक्रमलाईसफल बनाउन दक्षिण कोरियामा रहेका विभिन्न संघ–संस्था तथा नेपाली दाजुभाइ–दिदीबहिनीहरूलाई हार्दिक अनुरोध गरेका छन्। पोस्टर सार्वजनिकपछि उपस्थित सबैलेसामूहिक फोटो खिचेका थिए ।
गोलोव गाईजले प्रवासी नेपालीहरूको हितमा विभिन्न सामाजिक कार्यहरू गर्दै आएका छन्।
