थेगुमा स्वर्गीय पूर्ब प्रधानमंत्री तथा कांग्रेस सभपतिको श्रद्धान्जली सभा सम्पन्न
सोल-जनसम्पर्क समिति दक्षिण कोरिया थेगु क्षेत्रीय समितिले पूर्ब प्रधानमंत्री तथा कांग्रेस सभापति स्वर्गीय श्री शुशील कोइरालाको श्रद्धान्जली सभा सम्पन्न गरेको छ । जनसम्पर्क समितिका कार्यवाहक सचिव विजय सापकोटाले कार्यक्रम संचालन गरी उक्त कार्यक्रमका सभापति नारायण अधिकारीले कार्यक्रम लाई समापन गरेका थिए ।
कार्यक्रमा निकै भावुक मुद्रामा बोल्दै सभापति अधिकारीले असल र इमानदार राजनेताको निधनले सिंगो देश तथा नेपाली कांग्रेस पार्टीलाई अत्यन्त क्षति पुगेको र कोइराला जस्ता लोकतन्त्रका धरोहर, अविवाहित र विचारका महान् नेता अब नेपालमा बिरलै आउने बताएका थिए।यसै कार्यक्रमा बोल्दै प्रमुख अतिथि तथा इपिएस युथ नेपालका संयोजक आङ दोर्जे शेर्पाले आफू कुनै राजनितीको पक्षमा नरहे पनि देशले असल इमानदार पूर्वप्रधानमन्त्रि तथा नेपालको संविधान 2072 पिता गुमाउनु पर्दा आफू अत्यन्त दुखि भएको बताए।
मौनधारणबाट सुरु भएको सभामा अन्तिममा ओखल ढुङ्गा सेवा समाजका अध्यक्ष तथा जनसम्पर्क समिति थेगुका सल्लाहकार मान सिंह गरुङ्ले आफुले स्व. सुशिल कोइराला संग भेटेको अनि उहाँले राम्रो सल्लाह दिएको भन्दै आफ्नो विगतको हन्डर ठक्कर बताउँदै सबैलाई भावुक बनाएका थिए।कार्यक्रमा विभिन्न संघसस्थाका प्रतिनिधको उपस्थितिका साथ सबैले दुखित मुद्रामा श्रद्धान्जली दिएका थिए।
कार्यक्रम निकै नै शान्तमय वातावरणमा सकिएको जनसम्पर्क समीती उप सभापति थेगु तथा उल्सान सम्पर्क समीती अध्यक्ष महेस राना ज्यूले फोनिज कोरियालाई बताउनुभयो।
