सेतिमादी साँस्कृतिक कार्यक्रमका कलाकारहरु कोरियामा आइपुगे|

सौल –

तनहुँ सम्पर्क समिति दक्षिण कोरियाद्वारा यहि सलनाल  २०१६ फेब्रुअरी ८ तारिख सोमबारका दिन  आयोजना हुने सेतिमादी साँस्कृतिक कार्यक्रम भाग १ मा आफ्ना प्रस्तुतिका लागि चर्चित नेपाली  कलाकारहरु सनिबार  कोरिया आइपुगेका छन् |

साँस्कृतिक कार्यक्रमका लागि नेपालका ख्यातिप्राप्त कलाकारहरु चर्चित पप गायक सुगम पोख्रेल,चर्चित पप तथा आधुनिक गायिका मेलिना राई, चर्चित लोक दोहोरी गायिका सम्झना लामिछाने मगर र हास्यब्यङ्ग कलाकारमा कुमार कट्टेल (जिग्री ) र अर्जुन घिमिरे (पांडे) आएका छन् भने रामजी खाण आइतबार आउने भएका छन् |कलाकारहरुलाई स्वागत गर्नको लागि इन्छन विमानस्थलमा तनहुँ सम्पर्क समितिका अध्यक्ष जगत थापा ,साँस्कृतिक कार्यक्रम संयोजक ललित थापा मगर ,उप संयोजक हमन थापा मगर ,सल्लाहकार गिरिराज कुँवर ,सचिब सुनिल मल्ल लगायतका पदाधिकारीहरु पुगेका थिए |

“ आपसी मेलमिलाप ,सद्भावना र सहभागिता आजको एकता नै प्रबाशीको आबश्यकता ” भन्ने मूल नारा सहित आयोजना गरिने साँस्कृतिक कार्यक्रमको मुख्य उद्देश्य भने तनहुँ जिल्लाको शिक्षा र स्वाश्थ्य क्षेत्रमा सहयोग गर्ने रहेको छ|

सेतिमादी सांस्कृतिक कार्यक्रम २०१६ फेब्रुअरी ८ तारिखका दिन सौलको दोंग्देमुन शहर नजिकै जोंग्नो ओ गा मा रहेको  फेकजु गीन्यम ग्वानको  हलमा अर्थात् गत छुसकमा म्याग्दी समाज समितिले आयोजना गरेको स्थानमा हुने भएकोछ|सबै विधाका चर्चित कलाकारहरुको जोडदार प्रस्तुति हुने कुरामा आयोजकले पूर्ण विश्वास गर्दै कोरियाबासी सम्पूर्ण  नेपाली दाजुभाई तथा दिदि बहिनिहरुलाई कार्यक्रममा उपस्थित भै भब्य रुपमा सफल पारिदिनु हुन कार्यक्रम  संयोजक ललित थापा मगरले अनुरोध गरेका छन् |