गैर आवासिय नेपाली संघ र सोनसिकद्वारा ‘वृहत अन्तरक्रिया कार्यक्रम ‘ गरिने

गैर आवासीय नेपाली संघ, राष्ट्रिय समन्वय परिषद्–दक्षिण कोरिया तथा नेपाली विद्यार्थी समाज (SONSIK), दक्षिण कोरियाद्वारा “वृहत अन्तरक्रिया कार्यक्रम” आयोजना गरिने भएको छ। कार्यक्रम 서울특별시 종로구 창신길 51, 5층 (창신동) मा डिसेम्बर ७ आइतवार दिउँसो १२ बजेदेखि सुरु हुनेछ्।

यस कार्यक्रममा प्राध्यापक, श्रमिक, विद्यार्थी तथा विभिन्न क्षेत्रका सरोकारवाला व्यक्तिहरुको उपस्थिति रहने NRNA अध्यक्ष बिपिन गुरुङले फोनिज कोरियालाई जानकारी गराएका छन्।

यसैगरि कार्यक्रममा कोरियामा बसोबास तथा कार्यरत नेपालीहरूले कार्यस्थल भित्र–बाहिर भोगिरहेका कानुनी, श्रम, भिषा, अधिकार र जिम्मेवारीसम्बन्धी समस्याहरूका विषयमा मार्गदर्शन तथा समाधानका उपायहरू प्रस्तुत गर्न कानूनी व्यवसायी, सम्बन्धित विशेषज्ञ तथा सरोकारवाला व्यक्तिहरूको पनि सहभागिता रहनेछ।

आफ्नो समस्या सम्बन्धित निकाय वा व्यक्तिसम्म पुर्‍याउन नसकेको वा बुझ्न कठिन भइरहेको छ, उनीहरूले यस कार्यक्रममार्फत प्रत्यक्ष प्रश्न राख्न, सल्लाह लिन तथा समाधानका सम्भावित उपायहरूबारे जानकारी प्राप्त गर्न सक्ने छन्। आवश्यक परेमा विशेषज्ञहरूले सहयोग र मार्गदर्शन पनि प्रदान गर्नेछन्। यस कार्यक्रममा अवसरको लाभ लिनका लागि आयोजक संस्थाहरुले हार्दिक अनुरोध गरेको छ।