म्याग्देली चेलिको नेहा (योरुना) पुनको हत्यारालाई कडा कारबाही गर्न म्याग्दी समाज समिती दक्षिण कोरियाको माग
सोल – म्याग्दीको चिमखोला गाउँकि १९ बर्षिया नेहा पुनको गत मंगलबार पोखरा नयाँ गाउँ स्थित उनको निवास छेउमा शव फेला परेको र रहस्यमय बनेको यो हत्या आज ४ दिन बितिसक्दा पनि सत्य तथ्य पत्ता लगाउन नसक्दा हामी दुखी छौ।म्याग्दी समाज समिती दक्षिण कोरिया यो हत्याको घोर बिरोध गर्दै तलको बिज्ञप्ती मार्फत हत्यारा पत्ता लगाइ कडा भन्दा कडा कारबाही को जोडदार माग गर्दछौ।
बिज्ञप्ति
मगर चलचित्र कि नायिका तथा म्याग्देली चेली नेहा पुन मगरको हत्या गरिएको घटनाले हामी सम्पुर्ण कोरियाबासि म्याग्दीलि तथा नेपाली समुदाय स्तब्ध छौ।हत्यारा जो सुकै भएपनी प्रशासन समक्ष कडा भन्दा कडा कारबाही को माग गर्दछौं ।पोखरा जस्तो सहरमा दिन दाहडै भएको यो हत्या प्रकरण ले आम पोखरेली दिदिबहिनीहरु असुरक्षित छन भन्ने पुष्टि भएको छ।
हत्या भएको यतिका दिन बित्दा पनि लाचार प्रशासन र कमजोर सुरक्षा संयन्त्र को कारण हत्याराहरु कानुन को दायरा बाहिर छ्न।यो अवस्थामा नेपालको सुरक्षा प्रशासन समक्ष नागरिक को बाच्न पाउने अधिकार सुरक्षीत गर्न जोडदार माग गर्दछौं साथै नेहाको हत्याको घटनाले आम नागरिकमा त्रास निम्त्याएको ले शान्ति सुरक्षा को प्रत्याभूति दिलाउन कास्की सुरक्षा प्रशासनसमक्ष जोडदार माग गर्दछौ।नेहा पुनको हत्याको बिरोध उत्रिएका सम्पुर्ण समुदाय प्रति सहमती जनाउँदै हाम्री चेली को यो बीभत्स हत्याको घोर आपत्ति जनाउदै पुन सुरक्षा प्रशासन लाई छिटोभन्दा छिटो दोषी सार्बजनिक गरि कडा भन्दा कडा कारबाहिको माग गर्दछौ।
म्याग्दी समाज समिती
दक्षिण कोरिया
